Gloucester
Gloucester (borið fram [/ˈɡlɒstər/]) er borg og höfuðbær í Gloucestershire-sýslunni á Suðvestur-Englandi. Borgin liggur nærri landamærunum við Wales og á Severn-ánni og er um það bil 51 km norðaustan Bristol og 72 km suðvestan Birmingham. Íbúar voru um 127.000 árið 2015.
![](http://upload.wikimedia.org/wikipedia/commons/thumb/5/5f/Gloucester_Skyline.jpg/250px-Gloucester_Skyline.jpg)
Gloucester var stofnuð árið 48 e.Kr. af Rómverjum sem Glevum og henni var gefin fyrsta stofnskráin árið 1155 af Hinriki 2.. Nú á dögum er aðalatvinnugrein borgarinnar þjónusta og þar eru staðsettar margar fjármála- og viðskiptastofnanir. Borgin er heimili bankans Cheltenham & Gloucester og var mikilvæg fyrir geimiðnaðinn.