Lögin úr söngleiknum Deleríum Búbónis

(Endurbeint frá EXP-IM 70)

Lögin úr Deleríum Búbónis er 45-snúninga hljómplata gefin út af Íslenzkum tónum árið 1960. Á henni flytja leikarar úr Leikfélagi Reykjavíkur sex valin lög úr söngleiknum Deleríum búbónis eftir Jónas og Jón Múla Árnasyni. Leikararnir eru Kristín Anna Þórarinsdóttir, Steindór Hjörleifsson, Brynjólfur Jóhannesson, Karl Sigurðsson, Sigríður Hagalín, Árni Tryggvason, Nína Sveinsdóttir, Guðmundur Pálsson og Gísli Halldórsson. Leikstjóri var Lárus Pálsson. Hljómsveit Carl Billich leikur undir og Carl útsetti lögin. Platan er hljóðrituð í mono. Upptaka: Ríkisútvarpið. Umslag: Ljósmynd tók Oddur Þorleifsson en Þorleifur Þorleifsson sá um hönnun, teikningu og leturgerð. Pressun: AS Nera í Osló. Prentun: ÞEGG.

Lögin úr Deleríum Búbónis
Forsíða Lögin úr söngleiknum Deleríum Búbónis

Bakhlið Lögin úr söngleiknum Deleríum Búbónis
Bakhlið

Gerð EXP-IM 70
Flytjandi Kristín Anna Þórarinsdóttir, Steindór Hjörleifsson, Brynjólfur Jóhannesson, Karl Sigurðsson, Sigríður Hagalín, hljómsveit Carl Billich
Gefin út 1960
Tónlistarstefna Dægurlög
Útgáfufyrirtæki Íslenzkir tónar

LagalistiBreyta

  1. Söngur jólasveinanna
  2. Ljúflingshóll - Hljóðdæmi 
  3. Ástardúett - Hljóðdæmi 
  4. Brestir og brak
  5. Ágústkvöld - Hljóðdæmi 
  6. Sérlegur sendiherra


Textabrot af bakhlið plötuumslagsBreyta

 

Gamanleikurinn Delerium Búbonis eftir Jónas og Jón Múla Árnasyni, var frumsýndur í Iðnó 21. janúar 1959 á vegum Leikfélags Reykjavíkur, undir stjórn Lárusar Pálssonar. Síðan hafa Reykvíkingar þyrpst á sýningarnar í Iðnó, og nú er leikurinn um það bil að slá þar öll met í aðsókn. Önnur leikfélög á landinu hafa einnig tekið Delerium Búbonis til sýninga t.d. á Akureyri og Húsavík og allsstaðar er það sama sagan: UPPSELT.

Delerium Búbonis fjallar í gamni (og alvöru) um vandamál kaupsýslunnar á Íslandi, eins og þau verða erfiðust viðfangs skömmu fyrir jól á heimli Ægis Ó. Ægis forstjóra, en einnig koma við sögu ástin og listin í ýmsu formi. En vinsældir Delerium Búbónis munu kannski ekkl sízt að þakka söngvum Jóns Múla, sem hér koma nú í fyrsta sinn á hljómplötu fluttir af leikurum Leikfélags Reykjavíkur, Brynjólfi Jóhannessyni, Kristínu Önnu Þórarinsdóttur, Sigríði Hagalín, Karli Sigurðssyni, Steindóri Hjörleifssyni, o.fl., að ógleymdri hljómsveit Carls Billich, en Carl hefur raddsett lögin, einfaldlega og smekklega.

Íslenzkum tónum er það mikið ánægjuefni, að veitast tækifæri til að gefa yður kost á að heyra söngvana úr Delerium Búbónis, í þeirri mynd, sem þeir voru fyrst fluttir, á frumsýningunni í Iðnó fyrir rúmu ári.

 

Textablöð með plötunniBreyta