Hótel Saga
Hótel Saga (síðasta formlega heiti Radisson Blu Saga Hotel; líka kallað Bændahöllin) var hótel við Hagatorg í Vesturbæ Reykjavíkur sem starfaði frá 1962 til 2021.
Hótelið var í eigu Bændasamtakanna en framkvæmdir hófust við byggingu þess árið 1956. Það var tekið í notkun árið 1962. Viðbygging var byggð norðan við húsið og lauk framkvæmdum 1985. Á Hótel Sögu eru 235 herbergi [1], tíu funda- og veislusalir og tveir veitingastaðir. Súlnasalur þeirra stærstur. Skrifstofur Bændasamtakanna voru á þriðju hæð hótelsins. Veitingastaðurinn Grillið er efst. Einnig eru meðal annars starfrækt í húsinu rakari, barir, hárgreiðslustofa, líkamsræktarsalur, bankaútibú og ráðstefnudeild. [2]
Árið 2018 var opnað þar pósthús á neðstu hæð sem þjónar 101, 107 og 170 hverfum (og kom í stað pósthúsa við Pósthússtræti og Eiðistorg).
Ýmsir þjóðhöfðingjar og þekktir tónlistarmenn hafa dvalið á hótelinu. Enska karlalandsliðið í knattspyrnu dvaldi þar haustið 2020.
Óvíst var með framtíð hótelsins í COVID-19-faraldrinum og var það sett á sölu árið 2021. [3]
Fór svo að ríkið keypti hótelið og verður það notað undir starfsemi Háskóla Íslands og stúdentaíbúða. [4] Árið 2022 var Hótel Saga notuð fyrir flóttamenn, þar á meðal frá Úkraínu. Árið 2024 hófst flutningur kennslu menntavísindasviðs Háskóla Íslands þangað inn eftir miklar breytingar á húsnæðinu sem fékk nafnið „Saga“.[5]
Tilvísanir
breyta- ↑ Tveir gestir á Hótel Sögu en 235 herbergi Rúv, skoðað 27. apríl 2020
- ↑ Hótel saga Geymt 31 október 2018 í Wayback Machine Bændasamtök Íslands, skoðað 24. okt, 2018.
- ↑ Arnar Björnsson (24. júní 2021). „Unnið í kapp við tímann að selja Hótel Sögu“. Rúv.
- ↑ Ganga frá kaupum ríkisins Rúv, sótt 22/12 2021
- ↑ Isabel Alejandra Diaz (4. júlí 2024). „Flutningur Menntavísindasviðs HÍ í Sögu verður í áföngum“. RÚV.