Aulavik-þjóðgarðurinn
Aulavik-þjóðgarðurinn (enska: Aulavik National Park) er þjóðgarður Á Banks-eyju í Norðvesturhéruðunum í Kanada.[1] Hann samanstendur af láglendi á norðurhluta eyjunnar og er rúmlega 12.000 ferkílómetrar að stærð. Einungis er hægt að fara með flugvél á svæðið.[1][2] Aulavik er talin vera heimskautaeyðimörk en þó er gróðurlendi á hásléttu þar sem nær 450 metrum. Þéttasta útbreiðsla sauðnauta í heiminum er á eyjunni; 80.000 dýr. En í þjóðgarðinum eru um 20% stofnsins.[1][3]
Rjúpa og hrafn eru staðfuglar. Ránfuglar eru til að mynda snæugla, förufálki og fálki. Þeir éta aðallega læmingja. Meðal annarra spendýra eru: Hreindýr, ísbjörn, heimskautarefur, snæhéri, úlfur og selur.
Aulavik þýðir: Staður þar sem fólk ferðast, á inúítamáli svæðisins.
Tengill breyta
Heimild breyta
Fyrirmynd greinarinnar var „Aulavik National Park“ á ensku útgáfu Wikipedia. Sótt 9. jan. 2017.
- ↑ 1,0 1,1 1,2 „Aulavik National Park of Canada“. Parks Canada. 7. maí 2015. Afrit af upprunalegu geymt þann 24. janúar 2008. Sótt 22. maí 2015.
- ↑ „How to Get There - Aircraft access“. Parks Canada. 18. nóvember 2013. Afrit af upprunalegu geymt þann 23. maí 2015. Sótt 22. maí 2015.
- ↑ „Natural Wonders & Cultural Treasures - Wildlife“. Parks Canada. 7. maí 2015. Afrit af upprunalegu geymt þann 23. maí 2015. Sótt 22. maí 2015.
