Terpentína
Terpentína á við um tvennar tegundir vökva, sem annaðhvort eru framleiddar úr kvoðu lifandi trjáa, s.k. jurtaterpentína eða úr jarðolíu, s.k.steinefnaterpentína (enska: white spirit). Terpentína er notuð sem leysiefni í olíumálun og lökkun og sem hráefni í efnaframleiðslu. Terpentína er líka notuð í bón til að leysa upp vax, í vatnshelt sement, hreinsiefni, sótthreinsiefni, gúmmívörur, í vefnaði o.s.frv.
Jurtaterpentína er yfirleitt framleidd úr furukvoðu. Skurðir eru gerðir í stofninn sem valda því að kvoðan rennur úr trénu. Síðan er kvoðan hreinsuð og eimuð.
