Stamford Bridge
Stamford Bridge (Stanfurðubryggja) er heimavöllur enska knattspyrnuliðsins Chelsea í Hammersmith og Fulham, London (hið eiginlega Chelsea hverfi er austar). Völlurinn tekur 40.834 manns í sæti. Hann var opnaður 28. apríl 1877 og var þá notaður af frjálsíþróttasambandinu London Athletics Club. Árið 1905 bauð eigandi vallarins, Gus Mears, Fulham að spila á vellinum en þeir afþökkuðu boðið og þá var Chelsea stofnað.
![](http://upload.wikimedia.org/wikipedia/commons/thumb/7/7c/Stamford_Bridge_-_West_Stand.jpg/220px-Stamford_Bridge_-_West_Stand.jpg)
Fyrir utan knattspyrnu hafa einnig farið fram viðureignir í krikket, rúgbý og amerískum fótbolta á Stamford Bridge. Árin 1920 — 22 voru úrslitaleikir FA-bikarsins spilaðir á vellinum.
Völlurinn var gerður upp á 10. áratugnum og varð einn sá veglegasti í Bretlandi. Nú eru nú tvö hótel, safn, barir og veitingastaðir á svæðinu í kringum leikvanginn.
![](http://upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)