Silfurskotta

Silfurskotta (fræðiheiti: Lepisma saccharina) er skordýr af kögurskottuættbálki. Tegundin er sú eina í Lepisma ættkvíslinni. Almennt er litið á silfurskottur sem meindýr þó þær hafi engin áhrif á heilsu manna og skemmdirnar sem þær valdi á híbýlum þeirra séu hverfandi. Fullvaxnar silfurskottur eru á milli 7–12 mm langar og er nafn þeirra dregið af silfurgráum litnum.

Silfurskotta
Vísindaleg flokkun
Ríki: Dýraríki (Animalia) Fylking: Liðdýr (Arthropoda) Flokkur: Skordýr (Insecta) Ættbálkur: Kögurskottur (Thysanura) Ætt: Lepismatidae Ættkvísl: Lepisma Tegund: Silfurskotta
Tvínefni
Lepisma saccharina Linnaeus, 1758

Líffærafræði

Silfurskottur eru lítil, ljósfælin, ófleyg skordýr sem eru meðal manna þekktasta tegund kögurskottna ættbálksins, þau nærast einkum á plöntuafurðum, kolvetnum, sykri og sterkju og eru nú algengastar í híbýlum manna, en lifðu áður fyrr í laufhrúgum, trjáberki eða í litlum rifum.