Pavel Lisitsian syngur

Pavel Lisitsian syngur er 78-snúninga hljómplata gefin út af Íslenzkum tónum árið 1953. Á henni syngur Pavel Lisitsian tvö lög við píanóundirleik Tatjönu Kravtsenko. Platan er hljóðrituð í mono. Upptaka: Ríkisútvarpið. Pressun: AS Nera í Osló.

Pavel Lisitsian syngur
Bakhlið
IM 19
Flytjandi	Pavel Lisitsian, Tatjana Kravtsenko
Gefin út	1953
Stefna	Sönglög
Útgefandi	Íslenzkir tónar

Lagalisti

1. Armenskt lag - Lag - texti: Dolucanjan
2. Rósin - Lag - texti: Árni Thorsteinsson - Guðmundur Guðmundsson - Hljóðdæmi^ⓘ

Tilurð plötunnar

Armenski bariton-söngvarinn Pavel Lisitsian og píanóleikarinn Tatjana Kravsenko héldu nokkra tónleika á Íslandi á vegum MÍR í maí 1953. Þau fengu lofsamlega dóma fyrir flutning sinn og var upptöku af tónleikum útvarpað 31. maí 1953. Tage Ammendrup fór þess á leit við listamennina að leika inn á plötu í þessari ferð og var talið viðeigandi að flutt yrði eitt lag frá Armeníu og eitt íslenskt lag. Rósin eftir Árna Þorsteinsson varð fyrir valinu sem fulltrúi íslenskra sönglaga. Pavel starfaði í Bolshoi leikhúsinu í Moskvu frá 1940-1966.

Pavel Lisitsian