Gulstör

Gulstör, græna eða bleikja (fræðiheiti: Carex lyngbyei) er stör sem vex víða á Vesturströnd Norður-Ameríku, frá Alaska til Kaliforníu, en einnig á Grænlandi, í Færeyjum og á Íslandi. Gulstör vex víða votum mýrum, flóum, síkjum, á grynningum í vötnum og jafnvel ísöltum vatnasvæðum. Gulstörin er stórvaxin og blaðmikil. Hún er græn eða gulgræn planta með renglum. Blöð hennar eru breið og flöt. Karlöxin eru eitt eða fleiri en kvenöxin tvö, þrjú eða fleiri og hanga á löngum leggjum. Stoðblaðið á gulstör nær upp að toppaxinu. Axhlífar eru móleitar og nokkuð lengri en hulstrin.

Gulstör
Vísindaleg flokkun
Ríki: Jurtaríki (Plantae) (óraðað): Dulfrævingar ( (óraðað) Monocots (óraðað) Commelinids Ættbálkur: Poales Ætt: Cyperaceae Ættkvísl: Carex Tegund: C. lyngbyei
Tvínefni
Carex lyngbyei Hornem.
Samheiti
Carex cryptocarpa Carex cryptochlaena

Gulstör er góð og lystug fóðurjurt og er ein algengasta tegundin á starengjum Íslands. Gulstörin er einnig kölluð græna eða bleikja en nöfnin eru dregin af lit hennar.