Kúrsk

Kúrsk (rússneska: Курск) er borg í Mið-Rússlandi. Árið 2002 bjuggu þar um 400 þúsund manns. Fyrsta skráða heimildin um Kúrsk er frá árinu 1032. Kúrsk var fyrst nefnd sem einn af Severísku bæjunum af Ígor fursta í ritinu Sagan af herför Ígors (Слово о пълку Игоревѣ). Svæðið er þekkt fyrir að vera ríkt af járni, en það er einnig ein af stærstu járnbrautarstöðvum Suðvestur-Rússlands. Allnokkrir háskólar eru í borginni, þar á meðal læknaskóli og tækniháskóli.

Rauða torgið í Kúrsk. Á myndinni sést ráðhús borgarinnar.

Stríðsátök

Í seinni heimsstyrjöldinni var í grennd við borgina háð mesta og blóðugasta skriðdrekaorrusta sögunnar, sem stóð frá 4. til 20. júlí 1943. Orrustan var milli herja Sovétmanna og Þjóðverja, en Sovétmenn höfðu betur, þó þeir hafi ekki gjörsigrað Þjóðverja. (Sumir sagnfræðingar telja að úrslitin hafi verið jafntefli). Eftir orrustuna misstu Þjóðverjar frumkvæðið á austurvígstöðvunum og höfðu ekki framar bolmagn til að hefja nýja sókn þar. Þeir neyddust því smám saman að hörfa jafnframt því sem sókn Sovétmanna vestur á bóginn þyngdist.

Í stríði Rússlands og Úkraínu voru gerðar loftárásir á borgina árið 2024 þegar Úkraínumenn réðust inn í héraðið.

Heimildir

• Fyrirmynd greinarinnar var „Kursk“ á ensku útgáfu Wikipedia. Sótt 10. febrúar 2006.
• Fyrirmynd greinarinnar var „Battle_of_Kursk“ á ensku útgáfu Wikipedia. Sótt 27. apríl 2007.

  Þessi landafræðigrein er stubbur. Þú getur hjálpað til með því að bæta við greinina.