Hardangervidda

Hardangervidda,( Harðangursheiði eða Harðangursvídd á íslensku), er stór heiði á mörkum Hörðalands, Þelamerkur og Buskerud í suður-Noregi í yfir 1000 metra hæð. Hún þekur nálægt 8000 km². Hæsti punkturinn er 1721 metrar en tindurinn Hårteigen (1,690 m.) er áberandi kennileiti þar. Heiðin er ofar trjálínu. Stórar hreindýrahjarðir hafast við á henni og nærast á fléttum. Þær eru stærstu villtu hreindýrahjarðir í Evrópu og telja um 15.000 einstaklinga.[1] Árið 2016 drápust yfir 300 hreindýr þegar eldingu laust niður í hjörð á heiðinni. [2]Heimskautarefur dvelur á heiðinni en fjöldi hans hefur minnkað verulega. Hluti af Hardangervidda er þjóðgarður og er svæðið vinsælt til útivistar.

Fjallaskálar nálægt Hårteigen.
Lestarteinar á heiðinni.

Bergensbanen, þ.e. lestarleiðin milli Bergen og Osló, fer um heiðina og er lestarstöðin í Finse í 1222 metrum.

TilvísanirBreyta

  1. Getiði sagt mér eitthvað um dýralíf í Noregi? Vísindavefur. Skoðað 17. janúar 2016.
  2. 323 hreindýr drápust í þrumuveðri Rúv. Skoðað 6. september, 2016.