Hailemariam Desalegn
Hailemariam Desalegn (fæddur 19. júlí 1965) er eþíópískur stjórnmálamaður og var forsætisráðherra Eþíópíu frá 20. ágúst 2012 til 15. febrúar 2018.[1] Hann hafði áður gengt stöðu staðgengils forsætisráðherra og utanríkisráðherra í ríkisstjórninni frá 2010. Hann er fyrsti forystumaður í ríkisstjórn Eþíópíu sem er mótmælendatrúar.[2]
| Hailemariam Desalegn | |
|---|---|
| ኃይለማሪያም ደሳለኝ ቦሼ | |
 | |
| Forsætisráðherra Eþíópíu | |
| Í embætti 20. ágúst 2012 – 2. apríl 2018 | |
| Forseti | Girma Wolde-Giorgis Mulatu Teshome |
| Forveri | Meles Zenawi |
| Eftirmaður | Abiy Ahmed |
| Persónulegar upplýsingar | |
| Fæddur | 19. júlí 1965 Boloso Sore, Eþíópíu |
| Stjórnmálaflokkur | Suður-eþíópíska lýðræðislega alþýðuhreyfingin |
| Maki | Roman Tesfaye |
| Trúarbrögð | Mótmælandi |
| Börn | 3 |
| Háskóli | Háskólinn í Addis Ababa Arba Minch-rannsóknarháskólinn Tækniháskólann í Tampere |
| Starf | Stjórnmálamaður |
Upphafsár
breytaHailemariam fæddist árið 1965 í Boloso Sore héraði Suður-Eþíópíu. Hann er af þjóðflokki Welayta sem aðallega byggja Suður-Eþíópíu. Þar lærði hann og varði stærstum hluta æsku sinnar. Árið 1988 útskrifaðist hann í byggingarverkfræði frá Háskólanum í Addis Ababa. Hann starfaði síðan í tvö ár sem aðstoðarmaður við Arba Minch rannsóknarháskólann. Hann hlaut námsstyrk til að sækja meistaranám í verkfræði við Tækniháskólann í Tampere í Finnlandi. Að námi loknu snéri hann aftur til Eþíópíu og starfaði við ýmis fræðileg verkefni og stjórnunarleg. Hann var forseti Vatnstæknistofnunarinnar við Araba Minch í 13 ár. Þá sótti hann einnig leiðtoganám í Azusa Pacific University, í Kaliforníu, Bandaríkjunum.
Stjórnmálaþátttaka
breytaÍ lok síðustu aldar hóf hann þátttöku í stjórnmálum sem aðili að Lýðræðis- og byltingarhreyfingu eþíópísku þjóðarinnar (EPRDF) sem er stjórnarflokkurinn. Hann varð varaforseti SNNPR sem er eitt sambandslýðvelda Eþíópíu (2000–2002); og forseti þess frá 2002 til 2006.[3] Árið 2010 var hann gerður að staðgengli forsætisráðherra og utanríkisráðherra [4]
Hann var kjörinn á eþíópíska þingið árið 2005. Hann gegndi síðan ýmsum trúnaðarstörfum fyrir forsætisráðherrann, meðal annars í félagsmálum. Hann veitti aganefnd stjórnarflokksins forstöðu. Þá var hann í framkvæmdastjórn EPRDF og varaformaður frá 2010.
Afsögn
breytaDesalegn sagði af sér sem forsætisráðherra í byrjun ársins 2018 í kjölfar nærri tveggja ára stöðugra mótmæla. Þar höfðu þjóðarbrotin Orómó og Amhara verið í fararbroddi. Hundruð höfðu látið lífið í óeirðunum og þúsundir verið teknar höndum.[5] Desalegn er fyrsti leiðtogi í nútímasögu Eþíópíu sem hefur viljugur látið af völdum; forverar hans hafa ýmist dáið í embætti eða verið steypt af stóli.
Tilvísanir
breyta- ↑ http://www.bbc.com/news/world-africa-43073285
- ↑ http://www.awrambatimes.com/?p=2702
- ↑ „Geymd eintak“. Afrit af upprunalegu geymt þann 23. ágúst 2012. Sótt 3. september 2012.
- ↑ „Opposition dismiss new 'one party' Ethiopian government“ Geymt 29 ágúst 2012 í Wayback Machine, Sudan Tribune, Dags. 6. október 2010 (skoðað 3. septemer 2012)
- ↑ Kristján Róbert Kristjánsson (5. júní 2018). „Neyðarlögum aflétt í Eþíópíu“. RÚV. Sótt 1. október 2018.
Heimildir
breyta- Fyrirmynd greinarinnar var „Hailemariam Desalegn“ á ensku útgáfu Wikipedia. Sótt 3. september 2012.
- "A New Leader in Office" Geymt 14 október 2013 í Wayback Machine, Viðtal Ethiopia News við Hailemariam Desalegn frá 9. nóvember 2010 - á ensku.
- Hailemariam Desalegn stýrir Eþíópíu til 2015 Frétt á vef Guardian 22. ágúst 2012 - á ensku.
- Hailemariam Desalegn heimsækir TUT Tækniháskólann í Tampere í Finnlandi, 20. mars 2012 - á ensku.
| Fyrirrennari: Meles Zenawi |
|
Eftirmaður: Abiy Ahmed | |||