Raddglufulokhljóð
(Endurbeint frá Hálslokhljóðið)
Raddglufulokhljóð er samhljóð sem myndað er með því að koma í veg fyrir flæði lofts gegnum raddböndin. Í Alþjóðlega hljóðstafrófinu er táknið [⟨ʔ⟩] notað yfir raddglufulokhljóð.
Hljóðið kemur fyrir meðal annars í ensku, þar sem það finnst yfirleitt milli sérhljóða í breskri ensku (einkum á Cockney-mállýskunni í orðum eins og butter). Í bandarískri ensku er raddglufulokhljóðið hljóðbrigði [/t/] milli sérhljóðs og [/m/] (t.d. atmosphere) eða atkvæðisbærs [/n/] (t.d. button).
Sumir bera íslensk orð eins og „Ragnar“ fram með þessu hljóði, þ.e. [raʔnar] frekar en [raknar], og kallast það höggmæli. Hljóðið heyrist líka hjá öllum þegar þeir bera fram „o-ó“.
