Gunnhildur Hauksdóttir

Gunnhildur Hauksdóttir (f. Reykjavík 1972) er íslenskur myndlistarmaður. Hún nam myndlist við Listaháskóla Íslands og fékk þaðan BFA gráðu árið 2001. Þaðan lá leið hennar til Amsterdam í Hollandi en þar tók hún MFA gráðu sína í myndlist árið 2005. Hún hefur búið og starfað í Berlín, Þýskalandi en er nú búsett í Reykjavík og starfar þar að myndlist sinni. Faðir Gunnhildar er Haukur Halldórsson listamaður og móðir hennar er Sigrún Kristjánsdóttir, sjúkraliði. Sonur Gunnhildar er Matthías Tryggvi Haraldsson, leikskáld[1] og liðsmaður hljómsveitarinnar Hatari.

Gunnhildur Hauksdóttir

Listrænn ferill breyta

Gunnhildur hefur sýnt víða og alþjóðlega, þar með talið á Feneyjatvíæringinum árið 2016 á Collateral Event sem hét Silver Lining[2] með verkið Abstand. Hún sýndi verkið Samsæti heilagra í samvinnu við Bryndísi Hrönn Ragnarsdóttur m.a. í Listasafni Íslands (Listasafn Íslands, IS 2013). Sýningarnar Stars (Context Gallery Geymt 13 maí 2021 í Wayback Machine, IR 2011) Gjöf mín, yðar hátign (Listasafn Así, IS 2011), Audition (Ace Art Inc CA 2008) vann hún í samvinnu við Kristínu Ómarsdóttur rithöfund, Útúrdúr útgáfa gaf út bók[3] um samstarfið. Hún hefur tekið þátt í fjölda alþjóðlegra samsýninga og vinnur jöfnum höndum í þrívíða miðla, myndband og hljóð, auk þess sem hún gerir gjörninga og blandar þessum miðlum saman í innsetningar sínar.

Störf í þágu lista breyta

Gunnhildur situr í stjórn Safnasafnsins og hún sat í stjórn Nýlistasafnsins frá 2010-2014 og veitti formennsku í fjögur ár. Gunnhildur er stundakennari við Listaháskóla Íslands, hún hefur átt sæti í listrænni stjórn Sequences listahátíðarinnar 2011 og hefur haft umsjón með fyrirlestraröðum á vegum hátíðarinar í samvinnu við Listaháskóla Íslands, hefur skipulagt málþingið Archive on the Run og ristýrt samnefndri bók á vegum Nýistasafnsins og fyrirlestraröð þýska heimspekingsins Marcus Steinweg um samband myndlistar og heimspeki í samvinnu við Félag áhugamanna um heimspeki, Listfræðifélagið, Nýlistasafnið og Listaháskóla Íslands. Þá hefur hún átt sæti í ritnendum, m.a. ristýrði hún og átti framlag í Archive on the Run og Grasrót VI, Hún hefur átt sæti í nefndum, skipulagt fyrirlestra, málþing, sýningar og gjörninga.

Tenglar breyta


   Þessi æviágripsgrein er stubbur. Þú getur hjálpað til með því að bæta við greinina.
  1. „Matthías Hatari og Eva Rún eru nýju leikskáld Borgarleikhússins“. DV. 6. mars 2020. Sótt 8. nóvember 2022.
  2. „Gunnhildur Hauksdóttir“. The Silver Lining (bandarísk enska). 6. október 2015. Sótt 8. nóvember 2022.
  3. „Kristín Ómarsdóttir – Leikprufan; Gjöf mín, yðar hátign, Stjörnur / Audition; My Gift, Your Excellency; Stars | Bókmenntavefur“. Bókmenntaborgin - Reykjavík bókmenntaborg UNESCO. 18. febrúar 2016. Afrit af upprunalegu geymt þann 8. nóvember 2022. Sótt 8. nóvember 2022.