Knattspyrna

(Endurbeint frá Framherji (knattspyrna))

Knattspyrna eða fótbolti er boltaíþrótt þar sem farið er eftir 17 reglum sem voru staðfestar af Alþjóðaknattspyrnusambandinu þegar það var stofnað árið 1886. Knattspyrna er leikin með knetti af tveimur allt að 11 manna liðum (með markmanni) sem reyna að sigra hitt liðið með því að skora fleiri mörk en andstæðingarnir á leiktíma sem venjulega er 90 mínútur. Til að skora mark þarf að spyrna boltanum inn í mark andstæðinganna. Ef mark er skorað í eigin mark kallast það sjálfsmark. Leikmenn mega ekki snerta boltann með hönd sinni, en markmaðurinn er undantekning. Hann má verja boltann með höndunum á afmörkuðu svæði sem kallast vítateigur.

Leikmaðurinn í rauðu hefur brotist gegnum vörn hins liðsins og býst til að skjóta knettinum í markið.
Fagnaðarlæti stuðningsmanna liðs í Argentínu.

Alþjóðaknattspyrnusambandið er alþjóðasamband knattsrpyrnunnar. Það er oft kallað FIFA eftir skammstöfun heitis þess á frönsku (Fédération Internationale de Football Association). FIFA skipuleggur heimsbikarmót í knattspyrnu í karla- og kvennaflokki á fjögurra ára fresti. Heimsmeistaramót landsliða í knattspyrnu karla hefur farið fram á fjögurra ára fresti frá árinu 1930, nema í tvö skipti: 1942 og 1946 þegar mótið var fellt niður vegna Síðari heimsstyrjaldar. Um 190-200 landslið keppa í heimshlutamótum til að öðlast þátttökurétt á heimsmeistaramótinu þar sem 32 lið keppa í 4 vikur um heimsmeistaratitil. Heimsmeistaramót FIFA er eitt vinsælasta íþróttamót heims og fær meira áhorf en Ólympíuleikarnir. Heimsmeistaramót landsliða í knattspyrnu kvenna hefur verið haldið á fjögurra ára fresti frá 1991. 1,12 milljarðar áhorfenda fylgdust með heimsmeistaramóti kvenna 2019 í Frakklandi, sem var met.

Þekktasta íþróttamót knattspyrnuliða í Evrópu er Meistaradeild Evrópu í kvenna- og karlaflokki, sem er sýnd í sjónvarpi um allan heim. Úrslitakeppnin í karlaflokki hefur verið það íþróttamót sem fær mest áhorf á heimsvísu. Þekktustu efstu deildir knattspyrnuliða í heimi eru Enska úrvalsdeildin (Premier League), Spænska úrvalsdeildin (La Liga), Þýska úrvalsdeildin (Bundesliga), Ítalska úrvalsdeildin (Serie A) og Franska úrvalsdeildin (Ligue 1). Í þessum deildum leika bestu knattspyrnumenn heims og samanlögð laun þeirra eru yfir 600 milljónir punda.

Grunnreglur fótboltansBreyta

LeikvöllurinnBreyta

 
Fótboltavöllur

Leikurinn skal vera spilaður á grænu undirlagi en annars skal tilkynna mótherja um annað vallarval.[1]

Fótboltavöllurinn skal vera rétthyrndur og mörk hans merkt. Tvær lengri hliðar vallarins eru kallaðar hliðarlínur og styttri línurnar eru kallaðar markalínur. Miðlína liggur þvert á völlinn á milli miðpunkta hliðarlínanna. Miðpunktur hennar er vallarmiðja sem jafnframt er miðpunktur hrings með 9,15 metra radíus.

Hliðarlínur eiga í öllum tilvikum að vera lengri en markalínurnar. Stærð valla í landsleikjum er 100-110 metrar að lengd og 64-75 metrar að breidd. Leikir á vegum Knattspyrnusambands Íslands eru spilaðir á völlum með 68 metra breidd og 105 metra lengd.[2] Stærð vallarins má breyta í öðrum tilvikum.

Mark á að vera staðsett við miðju markalína. Mark samanstendur af tveimur lóðréttum stöngum sem eru samtengdar láréttri stöng efst. Lóðréttu stengurnar marksúlur, eru 2.44 metrar og lárétta stöngin markslá er 7.32 metrar. Bæði marksúlur og markslá eiga að vera að hámarki 12 cm að breidd og hvítar að lit. Þær eiga að vera úr viði, málmi eða öðru samþykktu efni. Þær eiga að vera rétthyrndar, kassalaga, hringlaga eða spöröskjulaga og mega alls ekki vera hættulegar leikmönnum. Markið í heild sinni verður að vera örugglega fest við jörðu og færanleg mörk má aðeins nota ef þau uppfylla þetta skilyrði.

Tvær línur eru dregnar frá markalínu, 5.5 metra frá marksúlu, samsíða hliðarlínum. Þær eru 5.5 metra langar og á milli enda þeirra er lína samsíða markalínunni. Þetta afmarkaða svæði kallast markteigur.

Aðrar tvær línur eru dregnar 16.5 metra frá marksúlu, samsíða hliðarlínum. Þær eru 16.5 metra langar og á milli enda þeirra er lína sem er samsíða markalínunni. Þetta afmarkaða svæði kallast vítateigur.

Við horn vallarins, þar sem markalínur og hliðarlínur mætast, skal vera fáni sem er ekki minni en 1.5 metrar. Á sama stað skal vera hornbogi með 1m radíus frá fánanum. Hornfáni við miðlínu er valkvæður. Merkingar mega vera utan vallarins á þessum stað.

BoltinnBreyta

Boltinn er kúlulaga með 68-70 cm þvermál og vegur á milli 410 og 450 grömm. Loftþrýstingur í boltanum skal jafngilda 0.6 - 1,1 loftþyngd við sjávarmál. Ef bolti verður ónothæfur við leik, þá er leikurinn stöðvaður og varabolti er settur á sama stað og boltinn sem varð ónothæfur var á. Ef taka á vítaspyrnu, markspyrnu eða álíka, þá er varaboltinn settur inná samkvæmt þeim reglum. Ekki má skipta út bolta án leyfis frá dómara. Boltar sem eru notaðir í keppnum FIFA, þurfa að vera merktir og staðfestir af FIFA. Auk þess eiga allar keppnir FIFA, og knattspyrnusamtaka, sem undir það heyra, að nota bolta sem er ekki merktur á annan hátt en þann að bera merki keppninnar og framleiðandans.

Fjöldi leikmannaBreyta

Fjöldi leikmana á að vera 11 hið mesta og í minnsta lagi 7. Einn leikmaður er markvörður. Ekki er heimilt að byrja leik með færri leikmönnum en sjö eða fleiri en 11. Í keppnum FIFA eða knattspyrnusamtaka sem heyra undir það, má hámarki skipta varamönnum inn á þrisvar sinnum í leik. Fjöldi varamanna sem eru heimilaðir á varamannabekk, eru ákvarðaðir af þeim knattspyrnusamtökunum sem við á. Í alþjóðlegum leikjum eru hámark sex leikmenn á varamannabekk, nema samkomulag ríki milli beggja liða sem keppa og dómari viti af ákvörðun liðanna. Í öllum tilfellum á að tilgreina leikmenn á varamannabekk áður en leikur hefst.

Þegar leikmanni er skipt inná er dómari fyrst látinn vita af skiptingunni og hann stöðvar leikinn. Hann gefur leikmanni á vellinum merki um að koma að hliðarlínunni og fara útaf. Þegar að leikmaðurinn er farinn út af fer leikmaðurinn sem skipta á inná á völlinn frá hliðarlínu og við það telst skiptingunni lokið. Leikmaður, sem hefur verið skipt útaf, tekur ekki frekar þátt í leiknum og allir varamenn fylgja fyrirmælum dómara. Leikur er jafnframt stöðvaður, ef að útileikmaður er færður í markmannsstöðu.

Fari leikmaður inn á völlinn án leyfis dómara er leikurinn stöðvaður. Dómarinn gefur leikmanninum viðvörun og leikurinn heldur áfram með aukaspyrnu. Ef að leikmaður skiptir við markmann án leyfis dómara heldur leikurinn áfram, en leikmennirnir tveir eru viðvaraðir. Einungis má skipta inn leikmenn í hópi varaleikmanna.

Búnaður leikmannaBreyta

Leikmaður má ekki bera neinn búnað sem er hættulegur honum sjálfum eða öðrum leikmönnum. Grunnbúnaður leikmanns samanstendur af ermabol, stuttbuxum, sokkum, skóm og legghlífum. Bolur, stuttbuxur og ermar bolsins þurfa ekki endilega að vera í sama lit. Allir leikmenn liðsins að markmanni undanskildum, eiga að vera í eins búningi. Auk þess er aðildarfélögum KSÍ heimilt að leggja bann við takkaskóm.[1] Ef að legghlífar eru notaðar, þá eiga þær að vera að fullu faldar bak við sokka leikmanns. Markmaður skal bera liti sem aðgreina hann frá öðrum leikmönnum, dómara og aðstoðardómurum. Ef þessum reglum er ekki fylgt er dómara heimilt að vísa leikmanni tímabundið af velli á meðan lausn er fengin á vandamálinu.

DómariBreyta

Dómari sér um að reglum fótboltans sé framfylgt á þeim leik sem hann hefur verið skipaður á. Hann stjórnar leik í samvinnu með aðstoðardómara. Honum er heimilt að stöðva, fresta eða hætta við leik vegna utanaðkomandi truflunar eða vegna brota á grunnreglum fótboltans. Hann leggur mat á meiðsli leikmanna og bíður með að senda smávægilega meidda leikmenn af velli. Leikmenn með blæðandi sár er þó ávallt hleypt rakleiðis af velli og fá ekki að koma aftur á völlinn fyrr en blæðing hefur stöðvast.

Þegar brot eiga sér stað og liðið sem brotið var á er með boltann leyfir dómari leiknum að halda áfram. Refsað er leikmanni sem brýtur á sér oftar en einu sinni í einu, háskalegar athafnir og starfsmönnum sem sýna ekki ábyrgð. Hann hleypir ekki utanaðkomandi persónu á völlinn og setur leik að nýju. Hann er tímastjórnandi leiksins og er oft sá sem er ábyrgur fyrir að senda leikskýrslu til knattspyrnusambandsins. Heimalið leiksins í keppni innan KSÍ eru þó ábyrg að senda leikskýrslur utan úrvalsdeildar karla og kvenna.[1] Allar ákvarðanir dómara eru endanlegar og er ekki breytt nema eftir að dómarinn hafi ráðgefið sig við aðstoðardómara.

Heimilt er að notast við tvo aðstoðardómara í leik. Þeir senda merki til dómara. Í þeim tilfellum þegar boltinn fer út fyrir völlinn segja þeir dómara til um hvort liðið eigi kröfu á innkasti, hornspyrnu eða markspyrnu, eftir því sem við á. Þeir láta vita af rangstöðu. Jafnframt láta þeir dómara vita af atvikum sem gerast utan vallarins eða eru utan sjónsviðs hans eins og skiptingar eða brot. Aðstoðardómari heyrir undir dómara.

Frá 2017 hefur myndbandadómgæsla verið notuð í ríkari mæli. Þá fær aðaldómari skilaboð frá nokkrum aðstoðardómurum sem sitja við skjá og greina leikinn. Aðaldómari getur einnig skoðað sjálfur atvik í skjá við völlinn ef hann telur þörf á.

FótboltaliðBreyta

Í fótbolta er þrenn möguleg úrslit. Í leik þar sem annað liðið hefur skorað fleiri mörk en andstæðingurinn kallast leikurinn unninn, og það lið fær ýmist 2 eða 3 stig fyrir það afrek. Sé leikurinn hins vegar, með jafn mörgum mörkum frá báðum liðum vallarins kallast jafntefli og bæði lið fá eitt stig. Engin stig eru þó veitt í útsláttakeppnum, þar gildir að það lið sem sigrar heldur áfram í næstu umferð. Framlenging og loks vítaspyrnukeppni er gripið til ef leikurinn er jafn.

Fótbolti er einn af vinsælustu íþróttum í heimi. Samkvæmt tölum Fifa, sem er yfirstjórn knattspyrnu í heiminum, spila yfir 265 milljónir manna í yfir 200 löndum fótbolta. Skipulagðir leikir eru spilaðir af 38 milljónum um allan heim í meira en 325 þúsund knattspyrnuklúbbum. 207 lönd og sjálfstjórnarsvæði eru meðlimir FIFA. Einungis þarf nokkrar grundvallarreglur og lítinn útbúnað til þess að iðka íþróttina. Nóbelsverðlaunahafinn Albert Camus sagði: "Allt sem ég veit með öryggi um siðferði og ábyrgð, á ég að þakka fótboltanum".

FélagsliðBreyta

Fótbolti er ýmist spilaður í fótboltaklúbbum eða sem áhugamannaíþrótt. Fótboltaklúbbar eru félög sem spila á móti öðrum klúbbum í deild innan síns eigin lands. Oft eru margar deildir í einu landi, þar sem liðunum er skipt eftir því hversu vel liðið spilar. Auk fótboltaliðs starfa hjá félaginu þjálfarar, sjúkraþjálfarar og búningastjóri. Þjálfarar sjá um að kenna leikmönnum um þá tækni og færni sem notuð er í fótbolta. Sjúkraþjálfarar sjá um meiðsli leikmanna og búningastjórn sér um að allir búningar félagsins séu í röð og reglu. Áhugamenn hinsvegar, spila frekar upp á skemmtunina og þeim áhuga sem þeir hafa fyrir íþróttinni. Áhugamenn fá ekki greitt fyrir vinnu sína úti á vellinum, ólíkt atvinnumönnum í fótboltaklúbbum. Þessi laun, sem að atvinnumenn fá eru fengin með styrktarsamningum fyrirtækja, verðlaunafé við það að vinna keppnir og í sumum tilfellum fé frá eigendum liðsins.

LandsliðBreyta

Auk félagsliða og áhugamannaliða eru starfrækt landslið. Landslið eru lið, þar sem óskað er eftir kröftum leikmanna sem hafa ríkisborgararétt í viðkomandi landi. Landsliðum er stjórnað af knattspyrnusamböndum, hvers lands fyrir sig, sem jafnframt stjórna fyrirkomulagi deildarleikja landsins. Landsliðum er skipt upp innan hvers lands eftir aldri. Unglingalið landsliðsins eru ýmist undir 17 ára, undir 19 ára, undir 21 árs og undir 23 ára. Ekki er þörf á að öll þessi landslið séu virk, og í raun er algengast að haldið sé út landsliðum aðeins í undir 17 ára, undir 19 ára og undir 21 árs. Aðallið landsliðs, getur þó alltaf kallað leikmenn sem eru á þessum aldri, nema að ákvörðun knattspyrnusambandsins sé önnur.

ÁhorfendurBreyta

Áhorfendur eru fólk sem mætir á leikvanga, þar sem liðið spilar til þess að horfa á leikinn og styðja sitt lið. Auk þess er jafnframt til að áhorfendur fylgist með sínum liðum í sjónvarpi, með sjónvarpsútsendingum. Mismikill áhugi er þó á fótboltaliðum eftir kynjum. Fótbolti kvenna er í augum almennings minna umfangs og vinsældir hans minni, en vegna árangurs liða og landsliða hefur áhuginn undanfarið aukist, þá sérstaklega í Bandaríkjunum og Þýskalandi.

FordómarBreyta

  • Á Íslandi: Knattspyrnusamband Íslands setti af stað átakið "Leikur án fordóma" með það að markmiði að útrýma fordómum úr knattspyrnu, sporna gegn einelti og leggja áherslu á heiðarlegan leik.[3] Fyrirliðar úrvalsdeildar karla og kvenna studdu átakið árið 2008, með samstarfsyfirlýsingu um að sýna gott fordæmi.[4]

Sérstakar stofnanir gegn misrétti:

  • Kick It Out: Samtökin hafa stofnað staðal Equality Standard sem knattspyrnufélög fara eftir. Knattspyrnufélögin mynda stefnu gegn fordómum meðal áhorfenda og félagsins sjálfs. Fylgst er með breytingum og árangri.

FótboltabullurBreyta

Ofbeldi í fótbolta hefur verið til frá upphafi hans og verið kennt við fótboltabullur. Þær urðu fyrst að skipulögðum hópum árið 1980 í Ítalíu. Fjölmiðlar hafa verið gagnrýndir fyrir að gefa fótboltabullum gaum og á þann veg efla ofbeldi í fótbolta.[5]

TölfræðiBreyta

Markahæstu menn karlaknattspyrnunnar samkvæmt Rec.Sport.Soccer Statistics Foundation (RSSSF) [6]Breyta

Uppfært 19/9 2021.

Sæti Leikmaður Fjöldi marka Fjöldi leikja Markahlutfall á leik Ár
1.   Erwin Helmchen 982 575 1,71 1924-1951
2.   Josef Bican 948 621 1,53 1931-1955
3.  Ferenc Puskás 808 794 1,02 1943-1967
4.  Cristiano Ronaldo 807 1114 0,72 2001-
5.  Ferenc Deák 794 510 1,56 1939-1959
6.  Romário 780 1000 0,78 1985-2009
7.  Lionel Messi 779 987 O,79 2003-
8.  Pelé 775 841 0,92 1956-1977
9.  Gerd Müller 735 793 0,93 1962-1981
10.  Abe Lenstra 710 752 0,94 1936-1963
11.  Joe Bambrick 678 565 1,2 1926-1939
12.  Jimmy Jones 673 635 1,06 1946-1965
13.   Ernst Willimowski 663 474 1,4 1934-1955
14.  Tommy Lawton 657+ 742 0,89 1933-1956
15.  Ferenc Bene 630 946 0,67 1961-1979
16.  Gyula Zsengellér 611 641 0,95 1935-1953
17.  Fernando Peyroteo 597 369 1,62 1937-1949
18.  Eusébio 591+ 631 0,94 1957-1980
19.  Uwe Seeler 582 686 0,85 1946-1972
20.  Túlio Maravilha 575 838 0,69 1988-2019
21.  Zlatan Ibrahimovic 574 966 0,59 1999-
22.  Robert Lewandowski 573 836 0,67 2005-
23.  Fritz Walter 574+ 572 1,0 1928-1959
24.  Franz Binder 569+ 430 1,32 1930-1949
24.  Imre Schlosser 569+ 458 1,24 1905-1928
25.  Jimmy Greaves 567 812 0,7 1955-1980
26.  Glen Ferguson 563 1058 0,53 1987-2011
27.  Hugo Sánchez 562 956 0,59 1972-1997
28.  José Torres 561 615 0,91 1953-1980
29.  Sándor Kocsis 556 537 1,04 1945-1965
30.  Fred Roberts 554 427 1,3 1924-1934
31.  James McGrory 549 545 1,01 1918-1935
32.  Zico 545 747 0,68 1960-1994
33.  Boy Martin 541+ 479 1,12 1930-1947
34.  Ferenc Szusza 541 594 0,91 1941-1960
35.  Jimmy Kelly 538+ 951 0,57 1926-1956
36.  Isidro Lángara 534+ 433 1,23 1930-1948
37.  Dixie Dean 531 577 0,91 1923-1940
38.  Nándor Hidegkuti 526 678 0,78 1942-1958
39.  József Takács 523 1917-1934
40.  Hans Krankl 514 1970-1989
42.  Roberto Dinamite 512 1971-1991
43.   Alfredo Di Stéfano 514 1945-1966
44.  Gunnar Nordahl 513 1937-1958
45.  Joseph Mermans 509 634 0,8 1932-1960
46.  Luis Suárez 508 816 0,63 2005-
47.  Hughie Gallacher 507 657 0,77 1921-1939
47.  Györgi Sárosi 507 592 0,86 1930-1948
49.  Steve Bloomer 505 753 0,67 1894-1914
50.  Roger Milla 503 905 1967-1996

Markahæstu menn samkvæmt International Federation of Football History & Statistics (IFFHS) [7]Breyta

  1. Cristiano Ronaldo: 784
  2. Pelé: 765
  3. Romário: 753
  4. Lionel Messi: 751
  5. Ferenc Puskás: 729
  6. Josef Bican: 720
  7. Jimmy Jones: 647
  8. Gerd Müller: 634
  9. Eusébio: 622
  10. Joe Bambrick: 616
  11. Glenn Ferguson: 562
  12. Zlatan Ibrahimovic: 553
  13. Fernando Peyroteo: 552
  14. Uwe Seeler: 551
  15. Jimmy McGrory: 550
  16. Alfredo Di Stéfano: 530
  17. György Sárosi: 526
  18. Robert Lewandowski: 516
  19. Roberto Dinamite: 511
  20. Hugo Sánchez: 507
  21. Imre Schlosser: 504
  22. Luis Suárez: 503
  23. Franz Binder: 502

Markahæstu menn hjá einu liði í karlaknattspyrnuBreyta

Sæti Leikmaður Mörk Leikir Markahlutfall á leik Ár Félag
1.   Lionel Messi 672 778 0.86 2003-2021  Barcelona
2.  Pelé 504 496 1.02 1956-1974  Santos
3.  Abe Lenstra 500 517 0.88 1933-1955  Heerenveen
4.  Cristiano Ronaldo 450 438 1.03 2009-2018  Real Madrid
5.  Uwe Seeler 404 476 0.85 1953-1972  Hamburger
6.   Josef Bican 403 211 1.91 1937-1948  Slavia Praga

Núverandi markahæstu menn karlaknattspyrnunnarBreyta

Sæti Leikmaður Fjöldi marka Fjöldi leikja Markahlutfall á leik Ár Núverandi Félag
1.  Cristiano Ronaldo 807 1114 0.72 2001  Manchester United
2.  Lionel Messi 779 989 0.79 2003  PSG
3.  Zlatan Ibrahimovic 574 966 0.61 1999  Milan
4.  Robert Lewandowski 573 836 0.68 2005  Bayern München
5.  Luis Suárez 509 821 0.62 2005  Atletico Madrid
6.  Ali Ashfaq 484 553 0.88 2001  Club Valencia
7.  Edinson Cavani 437 767 0,57 2005  Manchester United
8.  Sergio Agüero 436 796 0.55 2003  Barcelona
9.  Neymar 417 660 0.63 2009  PSG
10.  Karim Benzema 417 849 0,49 2004  Real Madrid
11.  Fred 407 793 0,52 2003  Fluminense
12.  Oscar Cardozo 374 748 0,50 2003  Club Libertad
13.  Dejan Damjanović 371 754 0,49 1998  Kitchee
14.  Bader Mutawa 369 630 0,59 2002  Al Qadsia
15.  Edin Džeko 368 828 0.45 2003  Inter
16.  Esteban Paredes 364 668 0.55 2000  Coquimbo Unido
17.  Gonzalo Higuaín 349 736 0,46 2005  Inter Miami
18.  Humberto Suazo 347 630 0.56 2000  La Serena
19.  Radamel Falcao 338 625 0.54 2003  Rayo Vallecano
20.  Eran Zahavi 337 604 0,56 2006  PSV
21.  Hulk 337 655 0,51 2004  Atlético
22.  Jonathan Soriano 335 510 0.66 2001
23.  Jermain Defoe 332 850 0.39 1999  Rangers
24.  Bafitimbi Gomis 331 707 0,46 2004  Al Hilal
25.  Vagner Love 329 709 0,46 2002  Kairat
26.  Baghdad Bounedjah 328 388 0.84 2009  Al Saad
27.  Romelu Lukaku 321 594 0,52 2009  Chelsea
28.  Carlos Tevez 319 809 0.39 2002
29.  Nemenja Nikolic 317 588 0,53 2006  Fehérvár
30.  Alvaro Saborio 316 660 0.47 2001  San Carlos
31.  Pierre Aubameyang 312 574 0.54 2007  Arsenal
32.  Sebastián Soria 308 654 0.47 2002  Qatar SC
33.  Markus Berg 307 684 0.45 2002  IFK
34.  Burat Yılmaz 303 681 0,44 2001  Lille

Leikjahæstu menn karlaknattspyrnunnarBreyta

Leikahæstu menn með meira en 1000 leiki

Sæti Leikmaður Staða Fjöldi Leikja Ár
1.  Peter Shilton GK 1390 1966-1997
2.  Rogério Ceni GK 1234 1990-2015
3.  Fabio GK 1164 1997-
4.  Roberto Carlos DF 1139 1991-2015
5.  Xavi MF 1135 1997-2019
6.  Gianluigi Buffon GK 1134 1995-
7.  Iker Casillas GK 1119 1998-2020
8.  Ray Clemence GK 1118 1965-1988
9.  Cristiano Ronaldo FW 1114 2001-
10.  Javier Zanetti DF 1114 1992-2014
11.  Pat Jennings GK 1095 1963-1986
12.  Marcelinho Paraiba MF 1092 1992-2020
13.  Tony Ford DF 1082 1975-2001
14.  Yasuhito Endo MF 1082 1998-
15.  Djalma Santos DF 1065 1947-1970
16.  Raúl FW 1064 1994-2015
17.  Alan Ball Jr. MF 1053 1960-1984
18.  David Seaman GK 1046 1982-2004
19.  Frank Lampard MF 1044 1995-2017
20.  Paolo Maldini DF 1041 1984-2009
21.  Dani Alves DF 1040 2001-
22.  Ryan Giggs MF 1036 1990-2014
23.  Graham Alexander DF 1025 1991-2012
24.  Noel Bailie DF 1024 1989-2011
25.  David Seaman GK 1023 1989-2014
26.  Rivaldo MF 1021 1989-2015
27.  Andoni Zubizarreta GK 1020 1980-1999
28.  Timmy Simons DF 1019 1994-2018
29.  Clarence Seedorf MF 1017 1992-2014
30.  Ian Callaghan MF 1002 1960-1982
31.  Tommy Hutchison MF 1001 1965-1994

Leikjahæstu menn hjá einu liðiBreyta

Sæti Leikmaður Staða Fjöldi Leikja Ár Félag
1.  Rogerio Ceni GK 1197 1990-2015  São Paulo
2.  Noel Bailie DF 1013 1989-2011  Linfield
3.  Ryan Giggs MF 963 1991-2014  Manchester United
4.  Fabio GK 962 2005-  Cruzeiro
5.  Paolo Maldini DF 902 1984-2009  Milan
6.  Ian Callaghan MF 870 1960-1978  Liverpool
7.  Steve Perryman DF 866 1969-1986  Tottenham
8.  Javier Zanetti DF 858 1995-2014  Inter
9.  Terry Paine DF 808 1956-1979  Southampton

Núverandi leikahæstu mennBreyta

Sæti Leikmaður Staða Fjöldi Leikja Ár Núverandi Félag
1.  Fabio GK 1164 1997  Cruzeiro
2.  Gianluigi Buffon GK 1134 1995  Parma
3.  Cristiano Ronaldo FW 1114 2001  Manchester United
4.  Yasuhito Endo MF 1082 1998  Jubilo Iwata
5.  Dani Alves DF 1039 2001
6.  Andrés Iniesta MF 997 2001  Vissel Kobe
7.  Lionel Messi FW 989 2003  PSG
8.  João Moutinho MF 969 2003  Wolverhampton
9.  Zlatan Ibrahimovic FW 966 1999  Milan
10.  Pepe Reina GK 955 1999  Lazio
11.  Sergio Ramos DF 941 2003  PSG
12.  Joaquín MF 914 1999  Real Betis
13.  James Milner MF 908 2001  Liverpool
14.  Luka Modrić MF 904 2001  Real Madrid
15.  David Silva MF 900 2001  Real Sociedad

HeimildBreyta

HeimildirBreyta

 
Wikiorðabókin er með skilgreiningu á orðinu
 
Wikimedia Commons er með margmiðlunarefni sem tengist
  1. 1,0 1,1 1,2 „Reglugerð KSÍ um knattspyrnumót“. Afrit af upprunalegu geymt þann 21. mars 2012. Sótt 6. desember 2010.
  2. Bæklingur um knattspyrnuleikvanga Geymt 2012-03-21 í Wayback Machine KSÍ
  3. „KSÍ Leikur án fordóma“. Afrit af upprunalegu geymt þann 2. febrúar 2011. Sótt 4. desember 2010.
  4. - Knattspyrnumenn á Íslandi vilja fótbolta án fordóma
  5. „- Hooliganism in European Football“. Afrit af upprunalegu geymt þann 14. júní 2011. Sótt 4. desember 2010.
  6. Prolific Scorers Data RSSSF
  7. IFFHS ALL TIME WORLD'S BEST GOALSCORER RANKING IFFHS