Esjufjöll

Esjufjöll er fjalllendi í Breiðamerkurjökli og eldstöð í suðurhluta Vatnajökulsþjóðgarðs. Teljast þau til jökulskerja. Þau eru yfir 1100 m. hæð. Samanstanda þau af fjórum fjöllum sem nefnast Vesturbjörg, Skálabjörg, Esjubjörg og Austurbjörg. Fjöllin hafa líklega verið íslaus síðan síðasta kuldaskeiði ísaldar lauk. [1] Esjufjöll eru náttúruvé og falla í flokk verndunar Ia á vegum Alþjóðlegu náttúruverndarsamtakanna. [2]

Esjufjöll séð frá Jökulsárlóni.
Esjufjöll úr lofti.
Nærmynd.
Esjufjöll nær snjólaus í ágúst. Selur í forgrunni.

Jarðskjálftar hafa greinst reglulega í fjöllunum. Talið er að hafi gosið þar árið 1927 þegar jökulhlaup kom undan jöklinum.

Í rannsóknarferð á vegum Náttúrufræðistofnunar Íslands árið 2007 fundust nokkrar lífverur í fyrsta skipti í Esjufjöllum: Brunnklukka, barnarót og fléttutegundirnar blaðkorpa og vætukorpa. Fyrir voru þekktar rúmlega 100 tegundir háplantna í fjöllunum og nokkrar skordýrategundir. En árið 1979 dvaldi stór hópur vísindamanna í Esjufjöllum nokkra hríð en þá var bæði jarðfræði og smádýralíf kannað í Esjufjöllum auk gróðursins.

Jöklarannsóknafélag Íslands á skála í Skálabjörgum í Esjufjöllum.[3]

TilvísanirBreyta

  1. Nokkrar nýjar tegundir fundnar í Esjufjöllum Náttúrufræðistofnun. Skoðað 30. janúar, 2016.
  2. Stjórnunar- og verndaráætlun Vatnajökulsþjóðgarðs, 2. útgáfa, 2013. bls. 12. [1]
  3. Breiðamerkurjökull Nat.is Skoðað 30. janúar , 2016.