Doggerbanki

Doggerbanki (stundum nefndur Duggubanki á íslensku) (úr hollensku: dogge, „dugga“) er stór sandfláki í Norðursjó. Á síðustu ísöld var bankinn jökulurð við ísjaðarinn og oft þurrt land, ýmist eyja eða tengt meginlandinu. Talið er að Doggerbanki hafi eitt sinn verið land, Doggerland, sem tengdi England við meginland Evrópu. Mikið af menjum frá lokum síðustu ísaldar og jafnvel steinaldarverkfæri hafa komið þar upp í netum fiskimanna.

Gervihnattarmynd þar sem Doggerbanki er merktur inn á.

Doggerbanki er mikilvæg fiskimið, sérstaklega fyrir veiði á þorski og síld.