Drekasvæðið

Drekasvæðið er hafsvæði í Norður-Íshafi, við Jan Mayen-hrygginn, skammt frá Jan Mayen, Svæðið er innan landhelgi Íslands og gera íslensk stjórnvöld sér vonir um að þar megi finna jarðgas og olíu. Svæðið var boðið út til olíuleitar í janúar 2009.

Íslenskar orkurannsóknir (ÍSOR) hafa unnið að jarðfræðilegum og jarðeðlisfræðilegum mælingum vegna undirbúningsvinnu fyrir olíuleitina. Í tengslum við þessa vinnu hafa allmörg ný örnefni orðið til, bæði á hafsvæðum og hafsbotni. Raunar á það einnig við um hafsvæði suður af landinu þar sem Íslendingar gera kröfur um nýtingarrétt.

Svæðin sem hér um ræðir eru, auk Drekasvæðis, í Ægisdjúpi (Síldarsmugunni) og á Bergrisanum (Hatton-Rockall). Nöfnin á svæðunum voru sótt til íslensku landvættanna sem sagt er frá í Ólafs sögu Tryggvasonar í Heimskringlu. Drekasvæðið er nefnt eftir drekanum sem fór ofan eftir dalnum í Vopnafirði og blés eitri. Bergrisinn var nefndur eftir risanum sem gekk fram á Vikarsskeiði með járnstaf í hendi.

Frægasti dreki íslenskra bókmennta er Fáfnir og því eru mörg örnefni á Drekasvæðinu sótt í Völsungasögu. Helstu hryggir á botninum heita t.d. Fáfnir, Otur, Sigurður, Gunnar, Gjúki, Sörli og Erpur. Síðan má nefna Fáfnisrennu, Sörlabotn og Gjúkakrók.

Sjá einnig

• Olíuleit við Ísland
• Jan Mayen-hryggurinn
• Gammur (svæði)

Tenglar

• Erindi haldin á Ársfundi Orkustofnunar 2009 Geymt 9 mars 2016 í Wayback Machine (pdf)
• Stefnt að útboði sérleyfa til olíuleitar við Ísland í janúar 2009 - frétt iðnaðarráðuneytisins um útboð á olíuleit við Drekasvæðið auk margvíslegs ítarefnis
• Þjónustumiðstöð fyrir olíuleit á Drekasvæðinu - Staðarval og aðstöðusköpun^{[óvirkur tengill]}, september 2008 (pdf)
• Drekasvæðið kortlagt
• Fjárveitingar til að rannsaka Drekasvæðið
• Þjónustumiðstöð fyrir Drekasvæðið
• Stöðugt meiri athygli á Drekasvæðið til olíuvinnslu^{[óvirkur tengill]}
• Leyniskýrslur um Drekasvæðið afhjúpaðar Geymt 3 desember 2008 í Wayback Machine
• Auknar líkur á olíu á Drekasvæðinu
• National Energy Authority Of Iceland: New Studies Underpin Oil Potential In The Dreki Area, Northeast Of Iceland
• Olían lekur upp úr Drekasvæðinu
• Olíuskattar Íslands draga úr áhuga á Drekaútboðinu