Dóra Björt Guðjónsdóttir
Dóra Björt Guðjónsdóttir (f. 19. júní 1988) er oddviti Pírata í borgarstjórn Reykjavíkur. Hún var forseti borgarstjórnarinnar frá árinu 2018 til 2019. Dóra er yngsti forseti borgarstjórnar í sögu Reykjavíkur.[1]
| Dóra Björt Guðjónsdóttir | |
|---|---|
| Forseti borgarstjórnar Reykjavíkur | |
| Í embætti 19. júní 2018 – 18. júní 2019 | |
| Persónulegar upplýsingar | |
| Fædd | 19. júní 1988 |
| Stjórnmálaflokkur | Píratar |
| Háskóli | Óslóarháskóli (BA), Freie Universität Berlin (BA), Háskóli Íslands (MA) |
Dóra ólst upp á Rafstöðvarveg í Elliðaárdalnum í Árbæ. Eftir að hafa lokið stúdentsprófi frá Menntaskólanum í Hamrahlíð flutti Dóra í nám til Noregs og nam heimspeki við Óslóarháskóla.[2]
Dóra útskrifaðist þaðan með bakkalársgráðu árið 2012. Hún útskrifaðist síðan með bakkalárskgráðu í aðþjóðafræði frá Óslóarháskóla og Freie Universität Berlin árið 2016. Hún sneri síðan heim til Íslands eftir sjö ára dvöl í Noregi og Þýskalandi og hóf störf með Pírataflokknum ásamt mastersnámi í alþjóðasamskiptum. Dóra útskrifaðist með meistaragráðu í alþjóðasamskiptum frá Háskóla Íslands árið 2017.[3]
Tilvísanir
breyta- ↑ Lovísa Arnardóttir (19. júní 2018). „Yngsti forsetinn fagnar stórafmæli á fyrsta fundi“. Fréttablaðið. Sótt 8. mars 2019.
- ↑ Kristjana B. Guðbrandsdóttir (28. apríl 2018). „Mjólkaði safnkúna“. Fréttablaðið. Sótt 8. mars 2019.
- ↑ „Dóra Björt Guðjónsdóttir“. Reykjavíkurborg. Sótt 8. mars 2019.
| Fyrirrennari: Líf Magneudóttir |
|
Eftirmaður: Pawel Bartoszek | |||