Chemnitz

Chemnitz (sorbíska Kamjenica, 1953–1990: Karl-Marx-Stadt) er þriðja stærsta borg Saxlands, á eftir Leipzig og Dresden, með tæpa 250.000 íbúa (2019). Hún er staðsett við rætur Erzfjallanna og tekur nafn sitt af ánni Chemnitz sem rennur í gegn um hana. Nafnið er komið úr sorbísku og mun þýða Steiná. Chemnitz er getið í saxlenskum skjölum allt frá árinu 1143, en þar var þá Benediktínaklaustur og þróaðist byggð þar í kring fram eftir öldum. Á tímum iðnbyltingarinnar óx Chemnitz mjög ásmegin og varð meðal mikilvægustu iðnaðarborga Þýskalands. Hún var því stundum uppnefnd Saxlenska Manchester. Í dag myndar Chemnitz ásamt Zwickau einn af þremur máttarstólpum Saxlenska þríhyrningsins, en svo nefnist svæðið sem afmarkast af Chemnitz-Zwickau, Leipzig-Halle og Dresden og í búa um þrjár og hálf milljón manna. Tækniháskólinn í Chemnitz er þriðji stærsti háskóli Saxlands með um 10.000 stúdenta.

Chemnitz
Skjaldarmerki Chemnitz og staðsetning innan Þýskalands
	Coat of Arms of Chemnitz
breiddar- og lengdargráða : 50°50′0″N 12°55′0″A	Tímabelti : UTC+1/SummerUTC+2
Grundvallarupplýsingar
Sambandsland:	Saxland
stærð:	220,85 km²
íbúafjöldi:	246.000 (2019)
íbúar á hvern ferkílómetra:	1096/km²
hæð:	298 m yfir sjávarmáli
Póstnúmer:	09111–09131
Stjórnmál
Borgarstjóri:	Barbara Ludwig (Sozialdemokratische Partei Deutschlands, SPD)
næst kosið:	2011
Vefsíða:	www.chemnitz.de

Þekktir borgarbúar

• Georgius Agricola náttúruvísindamaður á 16. öld.
• Michael Ballack knattspyrnumaður.
• Stefan Heym rithöfundur.
• Helga Lindner sundkona.
• Anja Mittag knattspyrnukona.
• Frank Rost knattspyrnumaður.
• Karl Schmidt-Rottluff myndlistarmaður.
• Katarina Witt skautadrottning.

Myndir af Chemnitz

• 
  Gamla og nýja ráðhúsið í Chemnitz.
• 
  Styttan af Karli Marx er eitt af þekktari kennileitum borgarinnar.
• 
  Rabenstein kastali.
• 
  Schocken verslunarmiðstöðin í Chemnitz.
• 
  Dæmigerð íbúðablokk í Chemnitz.
• 
  Rauði Turninn er eitt af kennileitum borgarinnar.
• 
  Óperuhúsið í Chemnitz.