Baðhús Reykjavíkur

Baðhús Reykjavíkur var almenn hreinlætisaðstæða í húsi sem stóð á Kirkjustræti 10 í miðbæ Reykjavíkur. Starfsemi Baðhúss Reykjavíkur hófst árið 1905 á þessum stað, en lauk árið 1966, u.þ.b. ári áður en húsið var rifið 25. apríl 1967.

Í Baðhúsinu var engin sundlaug, heldur aðeins aðstaða til líkamsþvottar. Í auglýsingu frá 1917 stendur í Morgunblaðinu að í Baðhúsi Reykjavíkur geti maður farið í kerlaug, steypiböð og gufuböð. Sama ár segir í Morgunblaðinu þegar birtir eru rekstrareikningar Baðhússins:

	Böð eru hverjum manni nauðsynleg. Það er eigi síður nauðsynlegt að þvo allan líkamann, en að þvo á sér andlitið og á höndum, en það gera allir siðaðir menn daglega. Baðhús Reykjavíkur er þörf stofnun sem enginn mun telja eftir þó bæjarsjóður styrki með ríflegri fjárupphæð árlega.
	— Morgunblaðið frá 20. mars 1917

Tengt efni

• Baðhúsfélag Reykjavíkur
• Sundlaugar og laugar á Íslandi

Tenglar

• Baðhúsið tekur til starfa í daga; grein í Morgunblaðinu 1941
• Baðhúsið horfið; frétt í Morgunblaðinu 1967
• Baðhúsið; grein í Morgunblaðinu 1916
• Baðhúsið; rekstrareikningar Baðhússins; grein í Morgunblaðinu 1917

  Þessi Reykjavíkurgrein er stubbur. Þú getur hjálpað til með því að bæta við greinina.