Búðarhálsvirkjun
64°14′6″N 19°22′5″V / 64.23500°N 19.36806°V
| Búðarhálsvirkjun | |
 | |
| Stöðvarhúsið við Búðarhálsvirkjun 29. maí 2012 | |
| Byggingarár | 2010-2013 |
|---|---|
| Afl | 95 MW |
| Virkjað vatnsfall | Þjórsá |
| Fallhæð | ~40 m |
| Framleiðslugeta | 585 gígavattsstundir/ári |
| Meðalrennsli | 189 m³/sek |
| Vatnasvið | 7 km² |
| Fjöldi hverfla | 2 vélasamstæður |
| Tegund hverfla | Kaplan á lóðréttum ási |
| Aðrennslisgöng | 4 km löng |
| Frárennslisskurður | 330 m út í Sultartangalón |
| Eigandi | Landsvirkjun |
Búðarhálsvirkjun er vatnsaflsvirkjun í eigu Landsvirkjunar sem er nú á framkvæmdastigi. Áætlað er að framkvæmdum ljúki fyrir lok 2013. Virkjunin er staðsett á milli Sultartangastöðar og Hrauneyjafossstöðvar. Hún nýtir vatnsafl úr Köldukvísl, Sporðöldukvísl og Tungnaá. Virkjunin mun nýta 40 m fallhæð með rennsli upp á 280 m³/sek og áætlað afl virkjunarinnar er 95 MW og orkuframleiðsla 585 GwH/ári.
Framkvæmdir
breytaFramkvæmdir á virkjuninni er skipt á marga verkþætti og boðið út. Stærsti verktakinn er Ístak sem sér um alla uppsteypu, gangnagröft og jarðvinnu. Þýska fyrirtækið Voith Hydro smíðar vélbúnaðinn og ÍAV sér um lokubúnað og þrýstipípur. Hnit verkfræðistofa hefur eftirlit með framkvæmdunum ásamt starfsmönnum Landsvirkjunnar. Hönnun virkjunarinnar er í höndum verkfræðistofanna Verkís, Mannvit og Efla.
Upphaflega var samið við slóvenska fyrirtækið Montavar um að hanna og smíða lokubúnað og þrýstipípur. Þegar hönnun var að mestu leyti lokin varð fyrirtækið gjaldþrota og í stað þeirra var samið við ÍAV um þann verkþátt.
Framkvæmdir á virkjuninni hófust seint á árinu 2010 og áætlað að þeim ljúki fyrir árslok 2013. Uppsett afl virkjunarinnar átti samkvæmt útboðsgögnum Landsvirkjunar að vera 80 MW en samið var við Voith Hydro að stækka vélarnar svo afl þeirra yrði 95 MW.
Umhverfisáhrif
breytaStíflað verður Köldukvísl, Sporðöldukvísl og Tungnaá til að mynda nýtt lón, Sporðöldulón. Flatarmál lónsins er samtals 7 km² og rými þess 50 Gl við venjulegar rekstaraðstæður.
17 kílómetra háspennulína verður lögð frá Búðarhálsstöð að tengivirki við Sultartangastöð.
Hækka þarf brúnna yfir Sporðöldukvísl og veginn við hana á þjóðvegi 26 um 3 metra.
Heimildir
breyta- Contruction of Búðarháls Power Station[óvirkur tengill], sótt 30. maí 2012
- Búðarhálsvirkjun allt að 120 MW og 220 kV Búðarhálslína 1 - Úrskurður Skipulagsstofnunnar um mat á umhverfisáhrifum, sótt 30. maí 2012
- Fagfundur Samorku 2013, sótt 27. nóv 2013