Alexander Jarl

Alexander Jarl Abu-Samrah (f. 4. september 1991), betur þekktur sem Alexander Jarl og Alli Abstrakt, er íslensk-palestínskur tónlistarmaður og rappari úr Vesturbænum í Reykjavík. Hann hefur gefið út fjölda laga og tónlistarmyndbanda og unnið með tónlistarmönnum á borð við Aron Can. Árið 2017 komst hans fyrsta breiðskífa, Ekkert er eilíft, í annað sæti Tónlistans. Árið 2011 lenti Alexander Jarl í þriðja sæti í norrænu rappkeppninni Rap It Up sem var haldin í Stokkhólmi í Svíðþjóð.

Alexander Jarl
Upplýsingar
Fæddur	Alexander Jarl Abu-Samrah 4. september 1991 (1991-09-04)
Önnur nöfn	Alli Abstrakt Abstrakt Idea
Uppruni	Vesturbænum, Reykjavík, Íslandi
Ár virkur	2011-
Stefnur	Rapp

Alexander Jarl hóf tónlistarferil sinn sem upptökustjóri undir nafninu Abstrakt Idea. Sem slíkur gaf hann út ósungnu breiðskífuna Sincere Sunset árið 2011 en hún komst í 33. sæti á iTunes-listanum í Japan. Síðar meir kallaði hann sig Alla abstrakt en síðan 2013 hefur hannn gengið undir eigin nafni, þ.e. Alexander Jarl.

Alexander Jarl á íslenska móður og palestínskan föður. Alexander Jarl er áhugamaður um blandaðar bardagalistir og hefur æft brasilískt jiu-jitsu.

Hljóðritasafn

Breiðskífur

• Ekkert er eilíft (2017)

Smáskífur

• Kókosolíufurstar (2016)
• Aldrei sáttur (2016)
• Stund milli stríða, Vol. 1 (2017)
• Flýja eyjuna (eða deyja að reyna það) (2023)

Stökur

• Halelúja (2015)
• #Brjálaður (2015)
• Vakandi (2016)
• Láttu í friði (2017)
• California King (2018)
• Fyrir mig (2018)
• Heimurinn er þinn (2018)
• Marbella (2019)
• BARRIO91 (2019) ásamt La Melo
• Vesturbær (2020) ásamt Class B úr Forgotten Lores
• emoji (2020)

Tenglar

• Alexander Jarl á Instagram

  Þessi tónlistargrein er stubbur. Þú getur hjálpað til með því að bæta við greinina.