Alan Dale

Alan Dale (fæddur Alan Hugh Dale, 6. maí 1947) er nýsjálenskur leikari sem er þekktastur fyrir hlutverk sín í Nágrönnum, The O.C., Ugly Betty og Lost.

Alan Dale
Alan Dale fyrir BAFTA verðlaunafhendinguna 2008
Upplýsingar
Fæddur	Alan Hugh Dale 6. maí 1947 (1947-05-06)
Ár virkur	1979 -
Helstu hlutverk
Jim Robinson í Nágrönnum Caleb Nichol í The O.C. Bradford Meade í Ugly Betty Charles Widmore í Lost

Einkalíf

Fjölskylda

Dale fæddist í Dunedin, á Nýja-Sjálandi. Dale fann ástríðu í leiklist og lék í skólaleikriti þegar hann var þrettán ára þar sem hann lék grínistann Shelley Berman. Foreldrar hans ráku áhugamannaleikhús í Auckland sem kallaðist The Little Dolphin Theatre. Dale sá oft um sviðstækin baksviðs. Árið 1968 þá giftist Dale kærustu sinni Claire og saman áttu þau tvö börn en þau skildu árið 1979. Árið 1990 giftist Dale fyrrum ungfrú Ástralíu, Tracey Pearson, og saman eiga þau tvö börn..

Fyrri störf

Lítið var um leiklistarstörf á Nýja-Sjálandi, þannig að Dale vann hin ýmsu störf þar á meðal sem karlfyrirsæta, bílasölumaður og fasteignasali. Þegar Dale var að vinna sem mjólkurmaður þá heyrði hann í útvarpinu að þulurinn sagði upp og fór hann því á útvarpsstöðina og sagðist geta gert vinnuna betur. Fékk hann tímabundna reynslu og var síðan boðið starf sem stjórnandi síðdegisþáttarins sem leiddi til þess að hann fékk fyrsta hlutverk sitt í sjónvarpi,. Dale ákvað að gerast atvinnuleikari þegar hann var aðeins 27 ára gamall.

Sjónvarpsferill

Nýja-Sjáland

Fyrsta hlutverk Dales sem leikari var sem indíáni í leikritinu The Royal Hunt of the Sun í Grafton Theatre í Aucklandi en fyrsta hlutverk hann á skjánum var í nýjsjálenska dramaþættinum Radio Waves..

Ástralía

Á seinni hluta áttunda áratugarins fluttist Dale til Ástralíu þar sem lítið var um leikaravinnu á Nýja-Sjálandi. Sótti hann um nám við National Institut of Dramatic Art í Sydney en komst ekki inn þar sem hann var miklu eldri en aðrir í hópnum.. Fljótlega þá fékk Dale hlutverk sem Dr. John Forrest í áströlsku sápuóperunni The Young Doctors sem hann lék frá 1979-1983. Árið 1985 var Dale boðið hlutverk í annarri þekktri sápuóperu sem kallaðist Nágrannar þar sem hann lék Jim Robinson. Það hlutverk setti Dale á kortið og varð mjög þekktur víðsvegar. Var hann hluti af Nágrönnum í átta ár þangað til persóna hans var látin deyja. Eftir Nágranna átti Dale mjög erfitt að fá hlutverk í Ástralíu því honum var alltaf líkt við persónu hans í Nágrönnum. Aðalvinna hans voru talsetningar og útgáfa tímarita um Nágranna.

Bandaríkin

Árið 1999 var Dale boðið hlutverk í bandarískri sjónvarpsmynd sem var tekin upp í Ástralíu. Eftir að hafa uppgvötað að hann gæti leikið vel með bandarískum hreim, þá fluttist Dale með fjölskylduna sína til Bandaríkjanna árið 2000. Fyrsta hlutverk Dales í Bandaríkjunum var sjónvarpsserían Sign of Life sem fjallaði um rokkhljómsveit sem ekkert varð úr á endanum. Dale fékk aðeins nokkrar prufur á fyrsta árinu sínu en fékk síðan hlutverk sem hinn suður-afríski Al Patterson í fjögurra þátta söguþráði í ER. Síðan þá hefur Dale fengið hvert hlutverkið á eftir öðru í sjónvarpsþáttum á borð við: JAG, The West Wing, Torchwood, NCIS, The X-Files, 24 og The Practice. Árið 2003 var Dale boðið hlutverk í unglingadramanu The O.C. þar sem hann lék Caleb Nichol til ársins 2010. Árið 2006 fékk hann hlutverk í Ugly Betty sem Bradford Meade eftir að annar leikari hafði verið rekinn. Var persóna Dales drepin í byrjun annarrar þáttaraðar.. Dale var síðan boðið stórt gestahlutverk í vísindaseríunni Lost þar sem hann lék Charles Widmore og var hluti af seríunni frá 2006-2010. Dale fannst hlutverkið mjög spennandi en honum fannst erfitt að vita hvar persóna hans stæði í söguþræðinum.

Leikhús

Árið 2008 kom Dale í staðinn fyrir Peter Davison í aðalhlutverkinu sem King Arthur við London West End framleiðsluna af Monty Python-leikritinu Spamelot við Palace-leikhúsið. Dale þáði boðið því hann var mikill aðdáendi Monty Pythons hópsins og taldi að „lífið væri of stutt“ fyrir hann að afþakka hlutverk hjá West End-leikhúsi. Þó að Dale hafði séð allar sýningar og kvikmyndir hópsins þá hafði hann ekki séð Monty Python and the Holy Grail sem Spamelot er gert eftir og keypti Dale því eintak til þess að undirbúa sig fyrir hlutverkið.

Kvikmyndaferill

Dale byrjaði kvikmyndaferil sinn árið 1982 í The Applicant sem var áströlsk kvikmynd. Næsta mynd sem hann lék í var árið 2002 þegar Dale fékk hlutverk í Star Trek: Nemesis sem Praetor Hiren eftir að upprunalega leikari varð veikur Hefur hann síðan þá komið fram í kvikmyndum á borð við: Hollywood Homicide, After the Sunset, Indiana Jones and the Kingdom of the Crystal Skull, Happy New Year og Priest.

Kvikmyndir og sjónvarp

Kvikmyndir
Ár	Kvikmynd	Hlutverk	Athugasemd
1982	The Applicant	ónefnt hlutverk
2002	Star Trek: Nemesis	Praetor Hiren
2003	The Extreme Team	Richard Knowles
2003	Hollywood Homicide	Sjóliðsforinginn Preston
2004	Straight Eye: The Movie	Faðir Kellys
2004	After the Sunset	Yfirmaður öryggismála
2008	Indiana Jones and the Kingdom of the Crystal Skull	General Ross
2010	Don't Be Afraid of the Dark	Jacoby
2011	Happy New Year	Bill
2011	A Little Bit of Heaven	Dr. Sanders
2011	Priest	Mosignor Chamberlain
Sjónvarp
Ár	Titill	Hlutverk	Athugasemd
1979-1983	The Young Doctors	John Forrest	10 þættir
1988	The Far Country	Dave Marshall	Sjónvarpsmynd
1985-1993	Neighbours	Jim Robinson	805 þættir
1994	Janus	Richard Issacs	Þáttur: Malice Aforethought
1994	Time Trax	Mr. Bergdorf	Þáttur: The Crash
1995	Space: Above and Beyond	Colonial Ríksstjórinn Borman	Þáttur: Pilot
1997	Frontline	Dave	Þáttur: Dick on the Line
1997	Blue Heelers	Rod Wright	Þáttur: Off the Air
1997-1998	State Coroner	Saksóknarinn Dudley Mills	8 þættir
1999	Alien Cargo	Eichorn, Explorer Dolphin	Sjónvarpsmynd
1999	First Daughter	Daly	Sjónvarpsmynd
2000	The Lost World	Phelan	Þáttur: Thw Chosen One
2001	Sign of Life	Clive	Þáttur: Pilot
2000-2001	ER	Al Patterson	3 þættir
2001	The Lone Gunmen	Michael Wilhelm	Þáttur: Eine Kleine Frohike
2001	Philly	Bruce Frohman	Þáttur: Loving Sons
2002	The X-Files	Toothpick Man	3 þættir
2002	American Dreams	Kapteinn Andrews	Þáttur: Soldier Boy
2002	The Practice	Dómarinn Robert Brenford	2 þættir
2003	JAG	Tom Morrow	2 þættir
2002-2003	The West Wing	Secretary of Commerce Mitch Bryce	2 þættir
2003	CSI: Miami	Seniráðsfulltrúi fyrir Kanada General Dubay	Þáttur: Blood Brothers
2002	Friends	Katie	Þáttur. The One With the Cooking Class
2003	Rent Control	George	Sjónvarpsmynd
2004	Crossing Jordan	Carl Logan	Þáttur: Slam Dunk
2003-2004	24	Varaforsetinn Jim Prescott	8 þættir
2005	Bow	ónefnt hlutverk	Sjónvarpsmynd
2003-2005	The O.C.	Caleb Nichol	35 þættir
2003-2005	NCIS	Tom Morrow	7 þættir
2005	E-Ring	Raymond Metcalf	3 þættir
2006-2007	Ugly Betty	Bradford Meade	33 þættir
2008	Torchwood	Copley	Þáttur: Reset
2008	Midnight Man	Donald Hagan	2 þættir
2008	Sea Patrol	Ray Walsman	6 þættir
2009	The Flight of the Conchords	Sendiherra Ástralíu	Þáttur: Tough Brets
2009	Law & Order: Special Victims Unit	Dómarinn Joshua Koehler	Þáttur: Liberties
2010	Important Things with Demetri Martin	Mafíuforingi	Þáttur: Attention
2006-2010	Lost	Charles Widmore	17 þættir
2010	Burn Notice	Ken Bocklage	Þáttur: Entry Point
2008-2010	Entourage	John Ellis	4 þættir
2010	Undercovers	James Kelvin	3 þættir
2011	Californication	Lloyd Alan Philips Jr.	Þáttur: The Recused
2011	The Killing	Þingmaðurinn Eaton	2 þættir

Verðlaun og tilnefningar

Academy of Science Fiction, Fantasy & Horror Films

• 2009: Tilnefndur sem besti gestaleikari í sjónvarpsseríu fyrir Lost

Screen Actors Guild Awards

• 2008: Tilnefndur sem besti leikhópur í grínseríu fyrir Ugly Betty
• 2007: Tilnefndur sem besti leikhópur í grínseríu fyrir Ugly Betty

Heimildir

• Fyrirmynd greinarinnar var „Alan Dale“ á ensku útgáfu Wikipedia. Sótt 1. ágúst 2011.
• Alan Dale á IMDb

Tenglar

• Alan Dale á IMDb
• http://memory-alpha.org/wiki/Alan_Dale Alan Dale á Memory Alpha Star Trek-heimasíðunni