Salman Rushdie

Salman Rushdie (fæddur: Ahmed Salman Rushdie, أحمد سلمان رشدی á arabísku (þann 19. júní 1947 í Bombay) er bresk-bandarískur rithöfundur af indverskum uppruna. Rushdie blandar gjarnan töfraraunsæi við sagnfræðilegar staðreyndir og gerast flestar skáldsögur hans á Indlandi og í Pakistan.

Salman Rushdie 2024

Salman ólst upp í miðstéttarfjölskyldu í Bombay á Indlandi. Á unglingsaldri fluttist hann ásamt fjölskyldu sinni til Pakistan og seinna til Bretlands. Margar af bókum hans hafa verið þýddar og gefnar út á íslensku.

Vegna meints guðlasts í bókinni Söngvum Satans eftir Salman hefur klerkastjórn Írans lýst Salman réttdræpan meðal múslima.

Árið 2022 var ráðist á Rushdie og hann stunginn í hálsinn og á fleiri staði þegar hann var að flytja fyrirlestur í New York. Rushdie lifði árásina af en missti sjón á öðru auga og allan mátt í annarri hendi vegna áverka eftir hnífsstungurnar.

Rushdie hlaut bókmenntaverðlaun Halldórs Laxness árið 2024.

Verk

• Grimus (1975)
• Midnight's Children (Miðnæturbörn, 1981 (kom út í íslenskri þýðingu Árna Óskarssonar 2003))
• Shame (1983)
• The Jaguar Smile: A Nicaraguan Journey (1987)
• The Satanic Verses (Söngvar satans, 1988)
• Haroun and the Sea of Stories (Harún og sagnahafið, 1990)
• Imaginary Homelands: Essays and Criticism, 1981–1991 (1992)
• East, West (1994)
• The Moor's Last Sigh (Síðasta andvarp Márans, 1995)
• The Ground Beneath Her Feet (Jörðin undir fótum hennar, 1999 (kom út í íslenskri þýðingu Árna Óskarssonar 2001))
• Fury (2001)
• Step Across This Line: Collected Nonfiction 1992–2002 (2002)
• The East is Blue (ritgerð, 2004)
• Shalimar the Clown (2005)
• Two Years Eight Months and Twenty-Eight Nights (2015)
• The Golden House (2017)
• Quichotte (2019)
• Victory (2023)