Æðsti ráðherra Skotlands

Æðsti ráðherra Skotlands (enska: First Minister of Scotland, gelíska: Prìomh Mhinistear na h-Alba, skoska: Heid Meinister o Scotland) er pólitískur leiðtogi Skotlands og stjórnandi skosku ríkisstjórnarinnar. Æðsti ráðherrann sér um myndun, þróun og kynningu stefnu Skosku ríkisstjórnarinnar. Auk þess er hann fulltrúi Skotlands innan Bretlands og erlendis og ber ábyrgð á stjórnskipulegum málum varðandi valddreifingu og skosku ríkisstjórnina.

Æðsti ráðherrann er skoskur þingmaður og kosinn af skoska þinginu áður en hann er tilnefndur af konunginum. Æðsti ráðherrann skipar aðra ráðherra í embætti. Sem leiðtogi skosku ríkisstjórnarinnar stendur æðsti ráðherrann skoska þinginu reikningsskil gjörða sinna.

Alex Salmond var kosinn í stöðu æðsta ráðherra 16. maí 2007 og var svarinn í embætti daginn eftir. Þann 7. nóvember 2012 varð hann sá æðsti ráðherra sem hafði verið í embætti lengst af öllum, eða í 2.002 daga. Þetta var einum degi lengur en fyrirrennari hans Jack McConnell. Núverandi æðsti ráðherra Skotlands er John Swinney, en hann tók við af Humza Yousaf þegar hann sagði af sér árið 2024.

Listi yfir æðstu ráðherra

		Heiti	Mynd	Tók við embætti	Hætti í embætti	Flokkur
	1.	Donald Dewar		13. maí 1999	11. október 2000	Verkamannaflokkurinn
	Til bráðabirgða	Jim Wallace		11. október 2000	26. október 2000	Frjálslyndir demókratar
	2.	Henry McLeish		26. október 2000	8. nóvember 2001	Verkamannaflokkurinn
	Til bráðabirgða	Jim Wallace		8. nóvember 2001	22. nóvember 2001	Frjálslyndir demókratar
	3.	Jack McConnell		22. nóvember 2001	16. maí 2007	Verkamannaflokkurinn
	4.	Alex Salmond		16. maí 2007	19. nóvember 2014	Skoski þjóðarflokkurinn
	5.	Nicola Sturgeon		20. nóvember 2014	28. mars 2023	Skoski þjóðarflokkurinn
	6.	Humza Yousaf		29. mars 2023	7. maí 2024	Skoski þjóðarflokkurinn
	7.	John Swinney		8. maí 2024	Enn í embætti	Skoski þjóðarflokkurinn