Vísinda- og tæknirannsóknir
Vísinda- og tæknirannsóknir eru þverfaglegt rannsóknarsvið sem er oft flokkað innan félagsvísinda og rannsakar áhrif vísinda og tækni á samfélög; og líka áhrif samfélagsgerða, stjórnmála og menningar á vísinda- og tækniþróun. Dæmi um vísinda- og tæknirannsóknir eru til dæmis rannsóknir á áhrifum Star Trek á tækninýjungar á 20. öld, og áhrifum samfélagsmiðla á lýðræðisþróun á 21. öld. Framtíðarfræði og gerendanetskenningin eru dæmi um svið sem eru nátengd vísinda- og tæknirannsóknum.
