Uppstigningardagur

Uppstigningardagur (upprisudagur eða uppstigudagur) er fimmtudagur 40 dögum eftir páska. Hann er helgidagur kristinna til minningar um himnaför Jesú. Á ári aldraðra 1982 var uppstigningardagurinn valinn kirkjudagur aldraðra á Íslandi í samráði við Ellimálanefnd þjóðkirkjunnar.

Uppstigning Krists eftir Il Garofalo frá árinu 1520

Á uppstigningardag, tíu dögum fyrir hvítasunnu samkvæmt Biblíunni, var Drottinn „upp numinn til himins" að lærisveinunum ásjáandi og „ský huldi hann sjónum þeirra“. Síðan stendur:

„Er þeir störðu til himins á eftir honum, þegar hann hvarf, þá stóðu hjá þeim allt í einu tveir menn í hvítum klæðum og sögðu: „Galíleumenn, hví standið þér og horfið til himins? Þessi Jesús, sem varð upp numinn frá yður til himins, mun koma á sama hátt og þér sáuð hann fara til himins.“

Uppstigningardagur á næstu árum

• 2023 - 18. maí
• 2024 - 9. maí
• 2025 - 29. maí

Tengt efni

• Hræranlegar hátíðir

Tenglar

• „Hvað gerðist á uppstigningardaginn?“. Vísindavefurinn.
• Uppstigning; grein í Morgunblaðinu 1961
• Uppstigning Krists og mannkynssagan; grein í Alþýðublaðinu 1959
• Dagur aldraðra; grein í Morgunblaðinu 2002