Opna aðalvalmynd
Iommi árið 2009


Anthony Frank ,,Tony" Iommi (fæddur 19. febrúar 1948) er gítarleikari og lagahöfundur þungarokkssveitarinnar Black Sabbath.

Tony Iommi er fæddur í Birmingham, Englandi. Á unglingsárum lenti hann í slysi í verksmiðju þar sem hann vann og missti framan af tveimur fingrum. Hann óttaðist að hann ætti aldrei eftir að spila á gítar framar en kunningi hans kynnti honum fyrir Django Reinhardt, jazzgítarleikara sem hafði einnig skaddast á fingrum. [1] Iommi varð innblásinn af því og bjó til eins konar stubba til að festa framan á sködduðu fingurna.

Árið 1968 æfði Iommi með Jethro Tull í nokkrar vikur og kom fram með þeim í sjónvarpi ( sem hluti af The Rolling Stones Rock & Roll Circus).

Iommi hélt uppi nafni Black Sabbath á 9. og 10 áratugnum þegar upprunalegu meðlimir hljómsveitarinnar höfðu hætt.

Árið 2000 gaf hann út sólóplötu sína, Iommi. Árið 2011 gaf Iommi út sjálfsævisögu sína: Iron Man: My Journey through Heaven and Hell with Black Sabbath. Iommi var greindur árið 2012 með krabbamein en hann hefur farið í árangursríka meðferð við því.[2]

Rolling Stone tímaritið raðaði honum í númer 25 af 100 bestu gítarleikurum sögunnar.[3]

TilvísanirBreyta