Tatra

Tatra er tékkneskur bílaframleiðandi. Tatra hóf starfsemi sína í bænum Kopřivnice árið 1850 og er þriðji elsti bílaframleiðandi í heimi. Árið 1897 smíðaði fyrirtækið fyrsta fólksbíl Mið-Evrópu og var hann kallaður Präsident. Ári síðar var fyrsti vörubíll fyrirtækisins smíðaður.

Tatra hefur framleitt ótal gerðir fólksbíla og vörubíla í gegnum tíðina. Árið 1998 hætti fyrirtækið fólksbílaframleiðslu og hefur einbeitt sér að vörubílaframleiðslu eftir það. Gríðarleg eftirspurn hefur verið eftir Tatra vörubílum og þykja þeir einstaklega hentugir fyrir heri vegna þess hversu vel þeir drífa, hversu auðvelt er að halda þeim við og hversu lengi þeir endast. Þeir eru taldir henta vel við erfiðar aðstæður.

Tatra vörubílar hafa keppt árum saman í hinu fræga París-Dakar Rallýi og hafa sex sinnum unnið í flokki vörubíla með ökuþórinn Karel Loprais undir stýri.

Tegundir

Fólksbílar

Tatra T11
Tatra T12
Tatra T17
Tatra T57
Tatra T75
Tatra V570
Tatra T77
Tatra T77a
Tatra T87
Tatra T97
Tatra T107
Tatra T600, einnig þekktur sem Tatraplan
Tatra T603
Tatra T613
Tatra T700

Vörubílar

Tenglar

Vefsíða Tatra bílaframleiðandans Geymt 9 janúar 2007 í Wayback Machine