Sigríður Þorgeirsdóttir
Sigríður Þorgeirsdóttir (fædd 1958) er íslenskur heimspekingur og prófessor í heimspeki við Háskóla Íslands. Hún varð árið 1997 fyrst kvenna til að verða fastráðinn kennari í heimspeki við skólann.
| Íslensk heimspeki Heimspeki 20. aldar, Heimspeki 21. aldar | |
|---|---|
| Nafn: | Sigríður Þorgeirsdóttir |
| Fædd/ur: | 1958 |
| Skóli/hefð: | meginlandsheimspeki, femínísk heimspeki |
| Helstu ritverk: | Birth, Death, and Femininity: Philosophies of Embodiment, The Body Unbound: Philosophical Perspectives on Religion, Embodiment, and Politics, Kvenna megin: ritgerðir um femíníska heimspeki |
| Helstu viðfangsefni: | Heimspeki Nietzsches, femínísk heimspeki, lífheimspeki, fyrirbærafræði |
| Áhrifavaldar: | Friedrich Nietzsche, Hannah Arendt, Simone de Beauvoir, Immanuel Kant, Hans-Georg Gadamer |
Menntun
breytaSigríður lauk B.A.-prófi frá Boston-háskóla árið 1981. Hún stundaði framhaldsnám við sama skóla og við Freie háskólann í Berlín. Þaðan lauk hún M.A.-prófi árið 1988. Mastersritgerð hennar nefndist „Der Begriff 'décadence' in der Philosophie Nietzsches“. Sigríður lauk doktorsprófi frá Humboldt-háskólanum í Berlín árið 1993. Bók sem byggðist á doktorsritgerð hennar kom út árið 1996 og nefndist Vis Creativa : Kunst und Wahrheit in der Philosophie Nietzches. Sigríður er formaður akademískrar stjórnar EDDU öndvegisseturs og formaður stjórnar GET (Gender Equality Training) sem er alþjóðlegur jafnréttisskóli við HÍ og samstarfsverkefni HÍ og utanríkissráðuneytisins.
Helstu ritverk
breyta- Birth, Death, and Femininity: Philosophies of Embodiment (ásamt R.M. Schott (ritstj.), V. Songe-Möller, S. Heinämaa) (Bloomington: Indiana University Press, 2010).
- The Body Unbound: Philosophical Perspectives on Religion, Embodiment, and Politics (ritstj. ásamt Marius Timman Mjaaland og Ola Sigurdson) (Cambridge: Cambridge Scholars Press, 2010).
- Kvenna megin: ritgerðir um femíníska heimspeki (Reykjavík: Hið íslenzka bókmenntafélag, 2001).
- Simone de Beauvoir: heimspekingur, rithöfundur, femínisti (ritstj. ásamt Irmu Erlingsdóttur) (Reykjavík: Rannsóknastofa í kvennafræðum, Háskólaútgáfan, 1999).
- Fjölskyldan og réttlætið: ráðstefnurit (ritstj. ásamt Jóni Á. Kalmanssyni og Magnúsi D. Baldurssyni) (Reykjavík: Háskóli Íslands, Siðfræðistofnun, 1997).
- Vis Creativa: Kunst und Wahrheit in der Philosophie Nietzches (Würzburg: Königshausen & Neumann, 1996).
