Saturn-verðlaunin
Saturn-verðlaunin eru árleg bandarísk kvikmyndaverðlaun sem veitt eru af stofnuninni Academy of Science Fiction, Fantasy and Horror Films fyrir vísindaskáldskap, fantasíur eða hrollvekjur. Verðlaunin voru fyrst veitt árið 1973 og fyrsta kvikmyndin sem hlaut verðlaunin var Sláturhús fimm eftir George Roy Hill. Sá leikstjóri sem hefur hlotið verðlaunin oftast er James Cameron, en Steven Spielberg hefur oftast verið tilnefndur. Árið 1994 voru í fyrsta sinn veitt verðlaun fyrir sjónvarpsefni, fyrir sjónvarpsmyndina Alien Nation: Dark Horizon. Þættirnir Breaking Bad, Doctor Who og The Walking Dead hafa allir unnið verðlaunin tvisvar. Árið 2015 var bætt við nokkrum ólíkum verðlaunaflokkum fyrir sjónvarpsefni, þar á meðal fyrir teiknimyndaþætti.
