San Salvador
San Salvador er höfuðborg og stærsta borg El Salvador og samnefndrar sýslu innan landsins.[1] Borgin er stjórnsetur og menningar-, mennta- og efnahagsmiðstöð landsins.[2] Alls búa 2.404.097 manns á stórborgarsvæði San Salvador, sem nær yfir borgina sjálfa og 13 af sveitarfélögum hennar. Á þéttbýlissvæðinu búa 1.600.000 manns.[3]
San Salvador | |
|---|---|
 Svipmyndir frá San Salvador | |
.svg) Fáni .svg) Skjaldarmerki | |
 Staðsetning innan El Salvador. | |
| Hnit: 13°41′56″N 89°11′29″V / 13.69889°N 89.19139°V | |
| Land | El Salvador |
| Sýsla | San Salvador-sýsla |
| Stofnun | 1. apríl 1525 |
| Stjórnarfar | |
| • Borgarstjóri | Mario Durán |
| Flatarmál | |
| • Samtals | 72,25 km2 |
| Hæð yfir sjávarmáli | 658 m |
| Mannfjöldi (2018) | |
| • Samtals | 2.406.709 |
| • Þéttleiki | 72,25/km2 |
| Póstnúmer | 503 |
| Tímabelti | UTC−06:00 |
| Vefsíða | sansalvador |
San Salvador er mikilvæg fjármálamiðstöð Mið-Ameríku. Borgin hýsir ríkisstjórn El Salvador, löggjafarþing El Salvador, hæstarétt El Salvador og fleiri ríkisstofnanir auk híbýla forseta El Salvador. San Salvador er staðsett á salvadorska hálendinu og er umkringd eldfjöllum þar sem jarðskjálftar eru tíðir. Kaþólska erkibiskupdæmið í El Salvador er staðsett í San Salvador ásamt miðstöðvum fleiri kristinna kirkjudeilda, þar á meðal höfuðstöðvum evangelista, mormóna, baptista og hvítasunnukirkjunnar. Í San Salvador er næststærsti söfnuður Gyðinga í Mið-Ameríku og lítill söfnuður múslima.
Ýmsir alþjóðlegir íþrótta-, stjórnmála- og samfélagsviðburðir hafa verið haldnir í San Salvador. Árin 1935 og 2002 voru Miðameríku- og Karíbahafsleikarnir haldnir þar, Mið-Ameríkuleikarnir árin 1977 og 1994 og fegurðarsamkeppnin Ungfrú Alheimur árið 1975. Árið 2008 hélt borgin 18. leiðtogafund spænsku- og portúgölskumælandi ríkja, mikilvægasta þjóðfélagspólitíska viðburð þessara menningarsvæða.
Tilvísanir
breyta- ↑ „Biggest Cities El Salvador“. Geonames.org. Sótt 24. febrúar 2012.
- ↑ [1] Geymt 27 mars 2009 í Wayback Machine
- ↑ Demographia World Urban Areas 17th Annual Edition: 202106
