Sólmyrkvi
Sólmyrkvi (sem til forna var nefnt myrkur hið mikla [1]) er það kallað þegar tunglið fer fyrir sólu frá jörðu séð og skyggir þannig á hana að hluta til (deildarmyrkvi eða hringmyrkvi) eða öllu leyti og nefnist þá almyrkvi.
Tunglmyrkvi kallast það þegar jörð myrkvar sólu frá tungli séð. Þá er jörðin í beinni línu á milli sólar og tungls og skuggi jarðarinnar lendir á yfirborði tunglsins, það kallast raðstaða eða okstaða.
