Sísjóriða
Sísjóriða (franska og enska: mal de debarquement syndrome, skammstafað MdDS) er líkamlegur kvilli sem lýsir sér í því að sjúklingurinn finnur fyrir sjóriðu, löngu eftir að hann er kominn á fast land. Kvillinn getur líka komið fram við annars konar hreyfingu.
Tilfinningin getur horfið eftir nokkra mánuði en dæmi eru um fólk sem hefur þjáðst af sísjóriðu árum saman.
Ekki er vitað af hverju kvillinn stafar en helst er giskað á að innra eyrað nái ekki að stilla sig eftir veltuna á sjónum. Engin úrræði eru enn til staðar fyrir sjúklinga.
