Pinus hartwegii

Pinus hartwegii er furutegund ættuð frá fjöllum Mexíkó og Mið-Ameríku austur til Hondúras. Hún er nefnd eftir Karl Theodor Hartweg, sem uppgötvaði hana 1838.

Pinus hartwegii
Pinus hartwegii í Marquesa National Forest, milli Mexíkóborgar og Toluca, Mexíkó, í um 3,500 m hæð.
Ástand stofns
Ekki í útrýmingarhættu (IUCN)
Vísindaleg flokkun
Ríki: Jurtaríki (Plantae) Fylking: Berfrævingar (Pinophyta) Flokkur: Barrtré (Pinopsida) Ættbálkur: Pinales Ætt: Þallarætt (Pinaceae) Ættkvísl: Furur Pinus Undirættkvísl: Pinus section Trifoliae subsection Ponderosa Tegund: P. hartwegii
Tvínefni
Pinus hartwegii Lindl.
Nátúruleg útbreiðsla
Samheiti
Pinus wilsonii Roezl Pinus suffruticosa Roezl ex Carrière Pinus standishii Roezl Pinus scoparia Roezl Pinus rudis Endl. Pinus roezlii Carrière Pinus robusta Roezl Pinus papeleuii Roezl Pinus northumberlandiana Roezl Pinus montezumae var. rudis (Endl.) Shaw Pinus montezumae var. lindleyana (Gordon) Parl. Pinus montezumae var. hartwegii (Lindl.) Shaw Pinus montezumae subsp. hartwegii (Lindl.) Engelm. Pinus lowii Roezl Pinus lindleyana Gordon Pinus iztacihuatlii Roezl Pinus hartwegii var. rudis (Endl.) Silba Pinus endlicheriana Roezl Pinus ehrenbergii Endl. Pinus donnell-smithii Mast. Pinus decandolleana var. ehrenbergii (Endl.) Carrière Pinus decaisneana var. wilsonii (Roezl) Carrière Pinus amecaensis Roezl Pinus aculcensis Roezl

Útbreiðsla

Pinus hartwegii er tegund hátt til fjalla, í 2.500–4.300 m hæð. Hún myndar trjálínu á flestum hærri fjöllum Mexíkó. Hún vex bæði í Sierra Madre Occidental og Sierra Madre Oriental (fjallakeðjunum) (29°N) frá Chihuahua-ríki og Nuevo León (26°N) til hæstu tinda í fjöllum El Salvador til landamæra Hondúras (15°N). Í Sierra Madre Occidental eru veturnir mjög þurrir og mikið regntímabil á sumrin, með stöðugum frostum frá október til mars.

Þessi fura fær sjalda eða ekki þann dvergvöxt eða krækluvöxt sem annars einkennir tré hátt til fjalla (við skógarmörk). Jafnvel við trjálínu verður tréð ekki fyrir skaða af kulda og skaraveðri sem verður í þeirri hæð. Þess vegna hefur Pinus hartwegii verið rannsökuð sem þróunarfræðilega einstök tegund við trjálínu.

P. hartwegii við trjálínu (4030m), Cofre de Perote, Mexíkó

Lýsing

Pinus hartwegii er sígrænt tré sem nær 20–30 m hæð með breiða og rúnnaða krónu. Börkurinn er þykkur, dökkgrábrúnn og hreistraður eða sprunginn. Dökkgrænar barrnálarnar eru fimm (einstaka sinnum fjórar) í búnti, 10–20 sm langar og 1,2–1,5 mm gildar, langlíft blaðslíðrið 1,5–2 sm langt.

Könglarnir eru egglaga, 6–13 sm langir, svartir eða mjög dökkfjólubláir, opnast við þroska að vori 5–7 sm breiðir. Fræin eru vængjuð, 5–6 mm löng með 1,5–2,5 sm væng. Frjóvgun er síðla vors, og þroskast könglarnir 20–22 mánuðum síðar.

Hún er náskyld Pinus montezumae, er frábrugðin henni með styttra barri, svörtum (ekki brúnum) og minni könglum; hún tekur við af Pinus montezumae hærra til fjalla, og blandast henni oft þar sem útbreiðslan skarast í miðjum hlíðum.

Tilvísanir

• Earle, Christopher J., ed. (2018). "Pinus hartwegii". The Gymnosperm Database.

  Þessi líffræðigrein er stubbur. Þú getur hjálpað til með því að bæta við greinina.