Paamiut

Bærinn Paamiut (eldri stafsetning Pâmiut, sem á dönsku heitir Frederikshåb) er á vesturströnd Grænlands. Um 1500 íbúar eru í bænum ()2015) sem er hluti af sveitarfélaginu Sermersooq. Paamiut er yst í Kuannersooq-firði og dregur nafn af því en grænlenska heitið þýðir þeir sem búa við fjarðarmynnið.

Árið 1742 var stofnaður verslunarstaður í Paamiut og voru þar mikil viðskipti með skinnavöru og hvalaafurðir. Upp úr 1950 byggðist upp mikil þorskútgerð og verkun en því tímabili lauk snögglega árið 1989 þegar þorskstofninn hrundi.

Tengill

• Vefur Paamiut Geymt 2006-10-24 í Wayback Machine