Árbæjarsafn

Árbæjarsafn er safn um sögu Reykjavíkur sem safnar, varðveitir og rannsakar menningarminjar í Reykjavík. Safnið miðlar þekkingu um sögu og líf íbúa Reykjavíkur frá upphafi byggðar til dagsins í dag. Markmið safnsins er að vekja áhuga, virðingu og skilning fólks fyrir sögu Reykjavíkur. Árbæjarsafn er hluti af Borgarsögusafni.

Gamli bærinn Árbær er hluti af Árbæjarsafni

Hábær og Smiðshús

Þingholtsstræti 9. Mörg hús voru flutt á Árbæjarsafn á sínum tíma

Áhugi vaknaði um miðja síðustu öld á því að varðveita sögu elstu byggðar Reykjavíkur. Nýtt húsnæði Þjóðminjasafns Íslands var tekið í notkun 1950 og í kjölfarið á því hafið átak til þess að safna merkum forngripum. Fjórum árum síðar var Skjala- og minjasafn Reykjavíkur stofnað til þess að halda utan um þá muni sem söfnuðust.

Um þetta leyti var Árbæjarhverfi ekki byggt heldur var þar gamalt bóndabýli sem komið var í eyði. Árið 1957 samþykktu bæjaryfirvöld að Árbæ skyldi enduruppbyggja og nýta sem safn og að þangað skyldu gömul merk hús vera færð. Árið 1968 voru Árbæjarsafn og Minjasafn Reykjavíkur sameinuð.

Æðsti yfirmaður safnsins er Guðbrandur Benediktsson, forstöðumaður Borgarsögusafns. Árbæjarsafn hlaut Íslensku safnaverðlaunin 2006.

Safnið er opið frá 10 - 17 á sumrin og er svo með vetraropnunartíma frá september til maí.

Tenglar

• Minjasafn Reykjavíkur Geymt 24 nóvember 2006 í Wayback Machine
• Árbæjarsafn; grein í Morgunblaðinu 1991
• Árbæjarsafn; upplýsingar úr Árbók Hins íslenzka fornleifafélags 1992
• Árbæjarsafn heimsótt; grein í Morgunblaðinu 1967
• Árbæjarsafn opnað; grein í Morgunblaðinu 1970
• Almenningsgarður á Árbæ - verður merkisstaður innan skamms; grein í Lesbók Morgunblaðsins 1959