Móasigð
Móasigð (fræðiheiti: Sanionia uncinata) er algeng mosategund af rytjamosaætt.
| Móasigð | ||||||||||||||
|---|---|---|---|---|---|---|---|---|---|---|---|---|---|---|
_7595.jpg) | ||||||||||||||
| Ástand stofns | ||||||||||||||
|
Ekki metið
(IUCN)
| ||||||||||||||
| Vísindaleg flokkun | ||||||||||||||
| ||||||||||||||
| Tvínefni | ||||||||||||||
| Sanionia uncinata (Hedw.) Loeske |
Útlit og einkenni breyta
Móasigð vex upprétt og verður 3,5-10 cm há og lítillega greinótt. Laufin eru 3 mm löng og vaxa í kröppum boga sem nær yfirleitt í heilan hring.[1]
Öll lauf móasigðar snúa í sömu átt á stönglinum. Í fljótu bragði getur móasigð því líkst mosum af ættkvíslunum Drepanocladus og Warnstorfia sem hafa einnig lauf sem snúa aðeins í eina átt en móasigð greinist auðveldlega frá þessum ættkvíslum á því að hún hefur grænlita sprota og lauf hennar eru mjög mjó, bogin í heilan hring og með fellingum. Móasigð vex sömuleiðis yfirleitt á þurrari stöðum en þessar ættkvíslir.[1]
Móasgið líkist einnig brekkusigð (S. orthothecioides) en brekkusigð hefur færri og óreglulegri greinar, meiri fellingar á blöðunum, myndar lausvaxna mosabletti og ber sjaldan bauka.[1] Móasigð sem vex á trjám getur í fljótu bragði minnt á Hypnum-tegundir en móasigð hefur lengri blöð en Hypnum-tegundir, fellingar og miðstreng á blöðunum.[1]
Útbreiðsla og búsvæði breyta
Móasgið er með algengustu mosategundum á Íslandi.[2] Hún finnst í skóglendi, mólendi, á veggjum, trjábolum, klettum og uppi á þúfum í mýrlendi.[2] Móasigð vex gjarnan milli gangstéttarhellna[3] og hún var meðal fyrstu mosategunda til að nema land í fuglavarpinu í Surtsey eftir að eyjan myndaðist.[4]
Móasigð er með algengustu mosum í 32 af 64 landvistgerðum á Íslandi. Meðal þeirra eru fjöldi vistgerða sem njóta sérstakrar verndar samkvæmt Bernarsamningnum.[5]
Myndir breyta
-
Sigðarlaga blöð móasigðar. -
Fellingar á blaði móasigðar. -
Lokaðir baukar.
_7977.JPG)
_5787.JPG)
_7603.jpg)
Tilvísanir breyta
- ↑ 1,0 1,1 1,2 1,3 Sanionia uncinata - Sickle-leaved Hook-moss (á ensku). British Bryological society. Sótt þann 19. júlí 2019.
- ↑ 2,0 2,1 Flóra Íslands. Móasgið - Sanionia uncinata. Sótt þann 18. júlí 2019.
- ↑ Ágúst H. Bjarnason (2013). Tveir millistéttarmosar. Sótt þann 19. júlí 2019.
- ↑ Líf á landi - lágplöntur í Surtsey. Geymt 20 ágúst 2018 í Wayback Machine Heimasíða Surtseyjarfélagsins. Sótt þann 19. júlí 2019.
- ↑ Jón Gunnar Ottósson, Anna Sveinsdóttir og María Harðardóttir (ritstj.) (2016). Vistgerðir á Íslandi. Fjölrit Náttúrufræðistofnunar Íslands nr. 54. Garðabæ, Náttúrufræðistofnun Íslands. Sótt þann 19. júlí 2019.