Opna aðalvalmynd

Listasafn Einars Jónssonar er listasafn á Skólavörðuhæð í Reykjavík. Hús safnsins heitir Hnitbjörg. Í safninu eru verk Einars Jónssonar, bæði höggmyndir og málverk, varðveitt og höfð til sýnis. Safnið er sjálfseignarstofnun og er rekið með árlegum styrk í fjárlögum íslenska ríkisins.

Efnisyfirlit

Saga safnsinsBreyta

Árið 1909 bauð Einar Jónsson íslensku þjóðinni öll verk sín að gjöf með því skilyrði að reist yrði yfir þau safn. Árið 1914 þáði Alþingi gjöfina og lagði fram 10.000 krónur og í söfnun meðal almennings söfnuðust 20.000 krónur.

BygginginBreyta

 
Garðurinn og safnahúsið séð úr lofti
 
Þýskur vísindaleiðangur heimsækir Hnitbjörg sumarið 1925

Safnið er byggt eftir teikningum Einars sjálfs en Einar Erlendsson húsameistari áritaði teikninguna 1916. Listasafn Einars Jónssonar var vígt á Jónsmessudag 24. júní árið 1923 og var það fyrsta listasafn á Íslandi. Einar valdi stað fyrir safnið á Skólavörðuhæð sem þá var eyðiholt í útjaðri bæjarins og var safnið fyrsta byggingin á hæðinni en það var hæsti sjónarhóll bæjarins. Einar og fleiri samtíðarmenn sáu Skólavörðuhæðina sem „háborg Íslands“.

Íbúð listamannsinsBreyta

Í turnhýsi safnsins er gott útsýni yfir Reykjavík. Þar bjuggu Einar og kona hans Anna Jörgensen. Heimili þeirra er hluti af safninu og er það varðveitt í upphaflegri mynd.

GarðurinnBreyta

Við safnið er garður og í honum eru bronsafsteypur af verkum Einars.

 
Konungur Atlantis

TenglarBreyta