„Lýðstjórnarlýðveldið Kongó“: Munur á milli breytinga

Elstu mannvistarleifar í Kongó eru um 80.000 ára gamlar. Þar risu ríki eins og [[Lundaríkið]], [[Lubaveldið]] og [[Konungsríkið Kongó]] við ósa [[Kongófljót]]s. Fyrsti Vesturlandabúinn sem kannaði vatnasvið Kongófljóts var [[Henry Morton Stanley]] sem síðar aðstoðaði [[Leópold 2. Belgíukonungur|Leópold 2.]] konung [[Belgía|Belgíu]] við að gera landið að einkanýlendu sinni sem hann kallaði [[Fríríkið Kongó]]. Leópold kom á [[gúmmítré|gúmmíplantekrum]] og stýrði nýlendunni af mikilli grimmd sem hneykslaði alþjóðasamfélagið. Að lokum féllst [[Ríkisstjórn Belgíu|Belgíustjórn]] á að taka stjórn nýlendunnar yfir vegna þrýstings frá öðrum Evrópuríkjum. Kongó fékk sjálfstæði árið [[1960]] og fyrsti forsætisráðherra landsins var [[Patrice Lumumba]]. Árið [[1965]] leiddi [[Joseph Mobutu]] herforingjabyltingu gegn honum. Árið 1971 breytti hann nafni landsins í Saír. Mobutu var einræðisherra og nýtti aðstöðu sína til að hagnast persónulega á auðlindum landsins. Í kjölfar [[borgarastyrjöldin í Rúanda|borgarastyrjaldarinnar í Rúanda]] braust [[Fyrsta styrjöldin í Kongó|borgarastyrjöld]] út í austurhluta landsins sem lyktaði með því að Mobutu flúði land og nafni landsins var aftur breytt. [[Önnur styrjöldin í Kongó]] hófst árið 1998 og stóð til 2003. Eftir að stríðinu lauk hafa reglulega blossað upp staðbundin átök í landinu. [[Kynferðisofbeldi]] er útbreitt, og [[sjúkdómsfaraldurFarsótt|sjúkdómar]] og [[hungursneyð]]ir herja á íbúana.