Ísleifur Gissurarson

Ísleifur Gissurarson fæddist árið 1006, sennilega í Skálholti. Foreldrar hans voru Gissur hvíti Teitsson af ætt Mosfellinga og Þórdís Þóroddsdóttir.

Eftir nám í Herfurðu (Hereford) á Saxlandi var hann vígður biskup af Aðalbjarti erkibiskupi í Brimum 1056. Byggði hann upp biskupsstól á föðurleifð sinni í Skálholti og stofnaði þar skóla. Meðal nemenda hans var Jón Ögmundarson, sem síðar varð fyrstur biskup á Hólum. Ísleifur lést í Skálholti hinn 5. júlí 1080 og hafði þá verið biskup í 24 ár.

Kona Ísleifs var Dalla Þorvaldsdóttir og áttu þau synina Þorvald, Teit og Gissur, sem varð biskup eftir föður sinn.