Járnblendiverksmiðjan á Grundartanga

Járnblendiverksmiðjan á Grundartanga er verksmiðja Elkem Íslands (áður Íslenska járnblendifélagsins) á Grundartanga í Hvalfjarðarsveit. Verksmiðjan var gangsett þann 26. júní árið 1979. Meginafurð verksmiðjunnar er kísiljárn sem notað er við stálframleiðslu. Framleiðslugeta verksmiðjunnar er 120 þúsund tonn á ári og er hún nú næststærsti framleiðandi kísiljárns í heimi.[1]

Eignarhald og rekstur breyta

Járnblendiverksmiðjan hefur alla tíð verið rekin af Íslenska járnblendifélaginu sem síðan 2008 heitir Elkem Ísland. Norska stórfyrirtækið Elkem AS hefur verið hluthafi í félaginu síðan 1976, og eignaðist það að fullu árið 2003.[2] Elkem AS hefur verið í eigu China National Bluestar (China National Bluestar (Group) Ltd.) síðan 2011, sem aftur á móti er í eigu kínverska ríkisfyrirtækisins ChemChina (China National Chemical Corporation).[3]

Íslenska járnblendifélagið var stofnað þann 28. apríl 1975 af Ríkisstjórn Íslands í samvinnu við bandaríska fyrirtækið Union Carbide. Rúmu ári eftir stofnun félagsins dró Union Carbide sig úr samstarfinu og í stað þess kom norska stórfyrirtækið Elkem AS. Ýmsir aðilar áttu hlut í félaginu áður en áður en Elkem AS eignaðist það að fullu árið 2003.[2]

Tilvísanir breyta

  1. „Om Elkem Foundry Products“ (á norsku). Elkem AS. Sótt 11. maí 2016.
  2. 2,0 2,1 „Saga Elkem á Íslandi“. Elkem Ísland. Sótt 11. maí 2016.
  3. „Our shareholders“ (á ensku). Elkem AS. Sótt 11. maí 2016.