Hvað tefur þig bróðir?

Hvað tefur þig bróðir? er LP-hljómplata gefin út að frumkvæði Samtaka herstöðvaandstæðinga árið 1982. Á henni eru tíu lög flutt af ýmsum listamönnum undir heitinu Heimavarnarliðið sem flest beinast gegn hernaði og erlendri hersetu á Íslandi. Sigurður Rúnar Jónsson (Diddi fiðla) sá um stjórn upptöku og útsetningar á plötunni og taldist einnig formlegur útgefandi hennar. Þetta var önnur hljómplatan þessarar gerðar, en þremur árum fyrr kom út platan Eitt verð ég að segja þér.

Myndlistarmaðurinn Sigurður Örn Brynjólfsson hannaði plötuumslag.

Lagalisti

30. mars - Lag - texti: Kjartan Ragnarsson, flytjandi: Kjartan Ragnarsson & 1000 manna Heimavarnarlið
Hvað tefur þig bróðir - Lag - texti: Bergur Þórðarson, Jakobína Sigurðardóttir, flytjandi: Sverrir Guðjónsson
Vögguvísa róttækrar móður - Lag - texti: Böðvar Guðmundsson, flytjandi: Silja Aðalsteinsdóttir
Þóknunin - Lag - texti: Elías Davíðsson (upp úr skjölum Alusuisse), flytjandi: Sverrir Guðjónsson
Hvert afrek bróðir ætlar þú að vinna? - Lag - texti: Bergþóra Árnadóttir, Gunnar Dal flytjandi: Bergþóra Árnadóttir & 1000 manna Heimavarnarlið
Klukkurnar í Nagasaki - Lag - texti: Guðmundur Hermannsson, Hjörtur Pálsson, flytjandi: Guðmundur Hermannsson
Ákall til dollars almáttugs - Lag - texti: Ingvi Þór Kormáksson, Elías Mar, flytjandi: Ingvi Þór Kormáksson
Íbúar í Prag - Lag - texti: Kristján Guðlaugsson, flytjandi: Jónína Jörgensdóttir
Segulstöðvarblús - Lag - texti: Sigurður Rúnar Jónsson, Þórarinn Eldjárn, flytjandi: Jóhanna Linnet
Framtíð - Lag - texti: Ríkharður Örn Pálsson, Jóhannes úr Kötlum, flytjandi: Heimavarnarliðið