Heimastjórnarsvæði Palestínumanna
Heimastjórnarsvæði Palestínumanna eru þrjú svæði (Vesturbakkinn, Gasaströndin og Austur-Jerúsalem) í Palestínu sem eru að nafninu til undir stjórn heimastjórnar Palestínumanna sem stefnir að stofnun sjálfstæðs ríkis Palestínumanna á þessum svæðum í samræmi við ákvæði Oslóarsamkomulagsins. Stjórn Ísraels gerir þó tilkall til svæðanna og þau eru í reynd undir stjórn Ísraelshers. Flest aðildarríki Sameinuðu þjóðanna vilja því tala um þessi svæði sem „hernumin svæði“, en Ísraelsstjórn og bandamenn hennar vilja tala um þau sem „umdeild svæði“.
![](http://upload.wikimedia.org/wikipedia/commons/thumb/2/27/Palestine_in_its_region.svg/220px-Palestine_in_its_region.svg.png)
![](http://upload.wikimedia.org/wikipedia/commons/thumb/6/6a/West_Bank_%26_Gaza_Map_2007_%28Settlements%29.png/220px-West_Bank_%26_Gaza_Map_2007_%28Settlements%29.png)
Þessum svæðum er stundum ruglað saman við hernumdu svæðin sem Ísrael hertók í Sex daga stríðinu 1967 og telja, auk Vesturbakkans og Gasastrandarinnar, Gólanhæðir sem Sýrlendingar gera tilkall til og Sínaískaga sem var skilað aftur til Egyptalands.