Hærusveppir

Hærusveppir (fræðiheiti: Inocybe) eru stór ættkvísl sveppa sem mynda svepprót með trjám. Til þessarar ættkvíslar teljast nokkur hundruð tegunda sveppa. Hatturinn er oftast brúnn eða brúnleitur og hnýfður. Með aldrinum klofnar hattbarðið svo það virðist kögrað eða hært.

Hærusveppir
Vísindaleg flokkun
Ríki: Svepparíki (Fungi) Fylking: Kólfsveppir (Basidiomycota) Flokkur: Kólfsveppaflokkur (Basidiomycetes) Ættbálkur: Kögursveppabálkur (Cortinariales) Ætt: Kögursveppaætt (Cortinariaceae) Ættkvísl: Inocybe

Margar tegundir hærusveppa innihalda mikið magn af sveppaeitrinu múskaríni og þar sem mjög erfitt er að greina ætar tegundir frá eitruðum er ekki mælt með því að neinir sveppir af þessari ættkvísl séu étnir. Hættulegasta tegundin er Inocybe patouillardii sem getur valdið dauða.

Dæmi um tegundir sem hafa fundist á Íslandi:

• Topphæringur (Inocybe fastigiata),
• Gráhæringur (Inocybe lacera),
• Rauðhæringur (Inocybe dulcamara)
• Fóthæringur (Inocybe decipens)

  Þessi líffræðigrein er stubbur. Þú getur hjálpað til með því að bæta við greinina.