Gránufélagið
Gránufélagið var verslunarfélag á Norðurlandi. Það var stofnað 1870 í kringum rekstur á skonnortunni Gránu. Tryggvi Gunnarsson var kosinn kaupstjóri félagsins 1871. Árunum 1877-83 eignaðist Gránufélagið þrjú önnur skip og flutti 10-15 skipsfarma til Íslands og rak eina stærstu verslun á Íslandi.
![Grána, sem Gránufélagið var kennt við, á strandstað við eyjuna Ljóðhús (Ytri-Suðureyjar) árið 1896.](http://upload.wikimedia.org/wikipedia/commons/thumb/0/03/Gr%C3%A1na_vi%C3%B0_Lj%C3%B3sh%C3%BAs.jpg/220px-Gr%C3%A1na_vi%C3%B0_Lj%C3%B3sh%C3%BAs.jpg)
Fram að 1877 var ekkert flutt af saltfiski frá Norðurlandi til útlanda en þá hóf Gránufélagið að selja salt miklu ódýrara en áður og byggði salthús utarlega í fjörðum Norðanlands. Þetta varð til að auka saltfiskverkun og saltfiskútflutning frá Norðurlandi.
![](http://upload.wikimedia.org/wikipedia/commons/thumb/0/01/Augl%C3%BDsing_fr%C3%A1_Gr%C3%A1nuf%C3%A9laginu_1897.jpg/220px-Augl%C3%BDsing_fr%C3%A1_Gr%C3%A1nuf%C3%A9laginu_1897.jpg)
Gránufélagið hóf gufubræðslu á hákarlalifur við Eyjafjörð. Það gekk hinsvegar illa um árið 1880 og danskur kaupmaður tók yfir rekstur þess.