Georg Bjarnfreðarson

Georg Bjarnfreðarson (leikinn af Jóni Gnarr) er aðalpersónan í Vaktaseríunum og myndinni Bjarnfreðarson. Georg kom fyrst fram í Næturvaktinni árið 2007 en síðan í Dagvaktinni 2008, Fangavaktinni 2009 og að lokum í myndinni Bjarnfreðarson sem kom út á annan í jólum 2009. Í þáttunum er Georg með fimm háskólagráður, þar á meðal í sálfræði, félagsfræði, uppeldisfræði, stjórnmálafræði og kennsluréttindi. Hann kemur að jafnaði illa fram við fólk, þá sérstaklega samstarfsmenn sína en einnig við son sinn Flemming Geir. Jón Gnarr hefur sagt að persónan Georg sé að miklu leyti byggð á nokkrum leiðinlegum einstaklingum sem hann þekkir.