Opna aðalvalmynd

Georgía Björnsson (18. janúar 1884 – 18. september 1957), fædd undir nafninu Georgia Hoff-Hansen, var eiginkona Sveins Björnssonar og þar með fyrsta forsetafrú Íslands.

Georgía fæddist í Danmörku til danskra foreldra. Faðir hennar var Hans Henrik Emil Hoff-Hansen, lyfjasali og jústisráð í Hobro á Jótlandi, en móðir hennar var Anna Catherine Hansen, sem rak ættir sínar til jótlenskra presta og stórbænda. Georgía kynntist Sveini þegar hún dvaldi hjá systur sinni á Íslandi veturinn 1901-1902 og hitti hann aftur í Kaupmannahöfn nokkrum árum síðar. Georgía og Sveinn gengu í hjónaband árið 1908 og fluttu stuttu síðar til Íslands.[1]

Georgía varð forsetafrú þegar Sveinn var kjörinn fyrsti forseti nýja íslenska lýðveldisins þann 17. júní árið 1944. Hún var sæmd stórkrossi Hinnar íslensku fálkaorðu árið 1946.[2]

TilvísanirBreyta

  1. „Georgía Björnsson“. mbl.is. 18. janúar 2016. Sótt 29. apríl 2019.
  2. „Þrettán karlar og konur sæmd heiðursmerkjum hinnar íslenzku fálkaorðu“. Alþýðublaðið. 4. janúar 1946. Sótt 29. apríl 2019.