Gamli kennaraskólinn
Gamli kennaraskólinn er hús að Laufásvegi 81, þar sem Kennaraskóli Íslands var til húsa frá 1908, þegar húsið var nýreist, eða ári eftir að skólinn var stofnaður með lögum. Húsið er friðað.
Séra Magnús Helgason var fyrsti skólastjóri Kennaraskólans og gegndi því starfi til 1929. Þá tók við Freysteinn Gunnarsson, sem gegndi starfinu í yfir 40 ár. Skólastjóraíbúð var á efri hæð hússins, í suðausturendanum, og þar bjuggu tveir fyrstu skólastjórarnir, ásamt fjölskyldum sínum. [1]
Eftir að Kennaraskólinn flutti í nýtt húsnæði við Stakkahlíð árið 1962 voru handavinnudeildir skólans reknar áfram í húsinu. Á 9. áratugnum var Rannsóknastofnun uppeldis- og menntamála í húsinu um tíma. Árið 1989 gaf íslenska ríkið Kennarasambandi Íslands húsið og sambandið tók við því eftir miklar endurbætur árið 1992. Árið 2023 skilaði Kennarasambandið svo húsinu aftur til ríkisins, en sambandið flutti í nýtt húsnæði við Borgartún árið 2020.[2]
Eitt og annað
breyta- Þórbergur Þórðarson rithöfundur var nemandi í Kennaraskólanum. Hann segir töluvert af veru sinni þar í Ofvitanum.
Tilvísanir
breyta- ↑ Bókhneigð ungmenni;grein í Alþýðublaðinu 10. febrúar 1970
- ↑ „Kennarasamtökin kveðja gamla Kennarahúsið“. ki.is. 14. júní 2023.